Saina nehwal singapore open: ఓలింపిక్స్ పతక విజేత సైనా నెహ్వాల్ సింగపూర్ ఓపెన్లో అదరగొట్టింది. గురువారం జరిగిన మ్యాచ్లో గెలుపొంది క్వార్టర్స్కు దూసుకెళ్లింది. ఆసక్తికరంగా సాగిన ఈ మ్యాచ్లో చైనాకు చెందిన బింగ్ జావ్పై 21-19, 11-21, 21-17 పాయింట్ల తేడాతో విజయం సాధించింది. క్వార్టర్స్లో జపాన్కు చెందిన అయా ఒహోరీతో తలపడనుంది. ఇప్పటికే సింధు, ప్రణయ్లు క్వార్టర్స్కు ఎంపికయ్యారు.
గత కొంతకాలంగా గాయాలు, ఫామ్ సమస్యలతో ఇబ్బంది పడుతున్న సైనా.. స్థాయికి తగ్గ ప్రదర్శనలు చేయలేకపోతోంది. గత మూడేళ్లలో గతేడాది జరిగిన ఆర్లియన్స్ మాస్టర్ సూపర్ 100 టోర్నీ సెమీస్లో మాత్రమే సైనా మెరుగైన ప్రదర్శన ఇచ్చింది. ఈ ఏప్రిల్లో జరిగిన కామన్వెల్త్ సెలక్షన్ ట్రయల్స్కు కూడా సైనా దూరమైన నేపథ్యంలో ఈ టోర్నీ సైనాకు కీలకంగా మారింది. మరోవైపు మెన్స్ డబుల్స్లో ఎంఆర్ అర్జున్, ధ్రువ్ కపిలా జోడీ మలేసియాకు చెందిన గోహ్ జీ ఫై- నుర్ ఇజుద్దీన్ ద్వయంపై గెలుపొందింది. ప్రత్యర్థిపై 18-21, 24-22, 21-18 పాయింట్ల తేడాతో విజయం సాధించారు.
ఇదీ చూడండి : కేఎల్ రాహుల్తో పెళ్లి.. ఎట్టకేలకు క్లారిటీ ఇచ్చిన హీరోయిన్
