వయసు విషయంలో తప్పుడు సమాచారాన్ని అందించి ఎందరో క్రీడాకారులకు రావాల్సిన అవకాశాలను కాజేశాడంటూ ప్రముఖ బ్యాడ్మింటన్ ప్లేయర్ లక్ష్యసేన్పై బెంగళూరులోని ఓ పోలీస్ స్టేషన్లో చీటింగ్ కేసు నమోదు అయ్యింది. సేన్తో పాటు అతని తల్లిదండ్రులు ధీరేంద్ర కుమార్, నిర్మలతో పాటు మాజీ కోచ్ విమల్ కుమార్ను కూడా నిందితులుగా పేర్కొన్నట్లు పోలీసులు తెలిపారు. బెంగళూరుకు చెందిన గోవియప్ప నాగరాజ అనే బ్యాడ్మింటన్ కోచ్ చేసిన ఫిర్యాదుతో ఈ విషయం వెలుగులోకి వచ్చింది.
అసలేం జరిగింది : ఉత్తరాఖండ్కు చెందిన సేన్ సోదరులు బెంగళూరులోని ప్రకాశ్ పదుకొణె బ్యాడ్మింటన్ అకాడమీలో విమల్ కుమార్ ఆధ్వర్యంలో శిక్షణ పొందేవారు. అయితే క్రీడల్లో పాల్గొనాలంటే వారిద్దరి వయసు తక్కువ ఉండాలని భావించిన కోచ్ 2010లో లక్ష్యసేన్ తల్లిదండ్రులతో కలిసి అతడి బర్త్ సర్టిఫికేట్ను ఫోర్జరీ చేసినట్లు ఫిర్యాదులో రాసుంది.
1998లో లక్ష్యసేన్ పుట్టాడు. బర్త్ సర్టిఫికేట్లో నమోదైన తేదీ ప్రకారం ప్రస్తుతం అతడి వయసు 24ఏళ్లుగా ఉండాలి. కానీ బ్యాడ్మింటన్ అసోసియేషన్లో నమోదైన వివరాల ప్రకారం అతడి వయసు 21. అంటే లెక్క ప్రకారం మూడేళ్లు తగ్గింది. ఇదే ప్రకారం అతడి సోదరుడు చిరాగ్ వయసును కూడా రెండేళ్లు తక్కువ చేసి రాశారని ఆరోపిస్తున్నారు.
ఇదీ చదవండి:
ఇన్స్టాలో ఈ మహిళా క్రికెటర్స్కు క్రేజ్ మామూలుగా లేదుగా
బంగ్లాదేశ్తో సిరీస్.. టీమ్ఇండియాకు భారీ షాక్.. సీనియర్ పేసర్ దూరం!
