టీమ్ఇండియా కోచింగ్ సిబ్బందిలో ఐదుగురికి కరోనా సోకింది. దీంతో ఇంగ్లాండ్తో శుక్రవారం జరగాల్సిన ఐదో టెస్టు రద్దయింది. ఇరుబోర్డుల చర్చించి, ఈ నిర్ణయం తీసుకున్నప్పటికీ.. వైరస్ పాజిటివ్గా తేలిన విషయంలో తప్పెవరిది?
జర్వో కారణమా?
భారత్, ఇంగ్లాండ్ ఆటగాళ్లను బయో బబుల్ ఉంచి, ఈ టెస్టులు నిర్వహించారు. అయితే ఈ మ్యాచ్లు జరుగుతున్నప్పుడు ప్రాంక్స్టార్ డేనియల్ జర్వో(jarvo 69).. వేర్వేరు సందర్భాల్లో మూడుసార్లు మైదానంలోకి అక్రమంగా ప్రవేశించాడు. ఒక్కసారి అయితే పర్వాలేదు కానీ అన్నిసార్లు సెక్యూరిటీ సిబ్బంది కళ్లుగప్పి ఎలా వచ్చాడు? ఈ పనుల వల్లే హెడింగ్లే మైదానంలో అతడిపై జీవితకాల నిషేధం విధించారు. ఓవల్ గ్రౌండ్లోకి దూసుకొచ్చినందుకు ఏకంగా జర్వోను అరెస్టు చేశారు.
అలానే ఈ టెస్టులకు 100 శాతం మంది ప్రేక్షకుల్ని అనుమతించారు. వాళ్లలో ఎవరూ మాస్కులు పెట్టుకోలేదు. ఇది కూడా టీమ్ఇండియాలో కొవిడ్ కేసులు రావడానికి కారణమని అని నెటిజన్లు చర్చించుకుంటున్నారు.
బుక్ లాంచ్ ఈవెంట్?
ఐదో టెస్టు క్యాన్సిల్ కావడం వల్ల ఇంగ్లీష్ మీడియా భారత జట్టుపై విమర్శలు చేస్తోంది. గతవారం లండన్లో ఓ బుక్ లాంచ్ ఈవెంట్కు టీమ్ఇండియా కోచ్ రవిశాస్త్రి(ravi shastri covid), కోహ్లీ సహ పలువురు హాజరయ్యారు. ఆ తర్వాత కొన్నిరోజులకు రవిశాస్త్రికి, ఆ తర్వాత రోజే బౌలింగ్ కోచ్ భరత్ అరుణ్, ఫీల్టింగ్ కోచ్ ఆర్.శ్రీధర్కు వైరస్ పాజిటివ్గా తేలింది. ఈ విషయమై బీసీసీఐ కూడా వివరణ ఇవ్వమని వారిని ఆదేశించింది. బోర్డు అనుమతి లేకుండా పుస్తకావిష్కరణకు హాజరు కావడమే ఈ పరిస్థితికి కారణమా అని సందేహాలు కూడా వ్యక్తమవుతున్నాయి!
టెస్టు రద్దు.. కానీ!
ఇరుదేశాల బోర్డులు చర్చించుకుని మ్యాచ్ను రద్దు చేశాయి. అయితే ఈ మ్యాచ్ను తిరిగి నిర్వహించే ఆలోచనతో ఉంది భారత క్రికెట్ బోర్డు. సూచన ప్రాయంగా ఈ విషయమై మాట్లాడినప్పటికీ, ఎప్పుడు జరుపుతారు అనేది ఇంకా క్లారిటీ లేదు.
ఇవీ చదవండి:
