ఐపీఎల్ 2023 సీజన్లోని 43వ మ్యాచ్లో జరిగిన ఓ ఘటన ఇప్పుడు నెట్టింట హాట్ టాపిక్గా మారింది. ఎనర్జీ, ఎగ్జైట్మెంట్ ఇలా అన్ని అంశాలు కలగలిపి ఉండే ఈ ఐపీఎల్ మ్యాచ్లో ఇప్పుడు మరోసారి కాంట్రవర్సీ అనే ఓ ఎలిమెంట్ యాడ్ అయ్యింది. దీంతో స్టేడియంలో ఒక్కసారిగా నిప్పులు చెలరేగాయి. వాన జల్లుకు కూల్గా ఉండాల్సిన వాతావరణం ఒక్కసారిగా సెగలు పుట్టించింది. నువ్వా నేనా అంటూ ప్లేయర్లు ఒకరికొకరు వాగ్వాదానికి దిగి అభిమానులకు టెన్షన్ తెప్పించారు. సోమవారం ఆర్సీబీతో లఖ్నవూకు జరిగిన మ్యాచ్లో జరిగిన కొన్ని ఘటనలు ఇప్పుడు ఎన్నో వివాదాలకు దారి తీస్తున్నాయి.
స్టేడియంలో విరాట్-గంభీర్ మధ్య వాగ్వాదం జరిగింది. ఈ విషయం అందరికి తెలిసిందే. అయితే ఈ గొడవకు కారణం మాత్రం మరో వ్యక్తి. అతనే లఖ్నవూ జట్టుకు చెందిన నవీన్ ఉల్ హక్. ఆఫ్గాన్స్థాన్కు చెందిన ఈ పేసర్ ఇప్పుడు విరాట్ ఫైట్తో టాక్ ఆఫ్ ద టౌన్గా నిలిచాడు. అసలు ఎవరు ఈ నవీన్ ఉల్ హక్? అసలు ఈ వాగ్వాదం ఎలా మొదలైందంటే..
23 ఏళ్ల నవీన్ ఉల్ హక్.. అఫ్గానిస్థాన్లోని కాబూల్కు చెందిన ప్లేయర్. 17 ఏళ్ల వయసులోనే క్రికెట్లోకి తెరంగేట్రం చేసిన ఈ యంగ్ ప్లేయర.. అఫ్గాన్ జట్టు తరఫున 2016లో తన అంతర్జాతీయ వన్డే కెరీర్ను ప్రారంభించాడు. 2021 తర్వాత వన్డే జట్టుకు దూరమయ్యాడు. మొత్తం తన వన్డే కెరీర్లో ఏడు మ్యాచ్లు ఆడిన నవీన్.. 25.42 ఎకానమీతో 14 వికెట్లను పడగొట్టాడు. వన్డేల్లో 42 పరుగులు ఇచ్చి 4 వికెట్లు తీసి రికార్డుకెక్కాడు. 2019లో తన అంతర్జాతీయ టీ20 కెరీర్ను ప్రారంభించిన నవీన్.. టీ20ల్లోనూ మంచి గణాంకాలనే నమోదు చేశాడు. అంతర్జాతీయ టీ20ల్లో ఇప్పటివరకు ఈ యంగ్ ప్లేయర్ మొత్తం 21 మ్యాచ్లు ఆడాడు.
ఇక 2023 మార్చిలో జరిగిన టీ20ల్లో పాకిస్థాన్ జట్టు తరఫున ఆడిన ఈ ప్లేయర్.. అంతర్జాతీయ టీ20ల్లో 19.46 సగటుతో 28 వికెట్లు పడగొట్టాడు. అతని టీ20 కెరీర్లో 3/21 బెస్ట్‌ స్పెల్గా నిలిచింది. కాగా ఇతనికి టీ20 లీగుల్లో మంచి అనుభవమే ఉంది. క్వెట్టా గ్లాడిఏటర్స్, షార్జా వారియర్స్, సిడ్నీ సిక్సర్స్‌, లెయిస్టర్‌ షైర్‌ గుయానా అమెజాన్ వారియర్స్.. లాంటి జట్ల తరఫున టీ20 లీగ్స్లోనూ ఆడాడు. ఇంకా ఈ ఐపీఎల్ సీజన్లో లఖ్నవూ సూపర్‌ జెయింట్స్‌ జట్టులో ఆడుతున్నాడు.
అయితే సోమవారం జరిగిన మ్యాచ్లో విరాట్తో వాగ్వాదానికి దిగిన ఈ ప్లేయర్ ఆ తర్వాత కూడా కోహ్లీతో దురుసుగా ప్రవర్తించాడు. దీంతో సామాజిక మాధ్యమాల్లో ఆర్సీబీ అభిమానులు అతన్ని తీవ్రంగా విమర్శిస్తున్నారు. నెటిజన్లు సైతం ఈ అఫ్గాన్ ప్లేయర్ను తెగ ట్రోల్ చేస్తున్నారు. ప్రవర్తనా నియామావళిని ఉల్లంఘించి స్టేడియంలో వాగ్వాదానికి దిగినందున ఐపీఎల్ యాజమాన్యం అతనికి మ్యాచ్ ఫీజ్లో 50 శాతం జరిమానా విధించింది.
