Trevor Bayliss SRH: సన్రైజర్స్ హైదరాబాద్ కోచ్ బాధ్యతల నుంచి ట్రెవర్ బేలిస్ తప్పుకొంటున్నట్లు తెలుస్తోంది. వచ్చే సీజన్లో కొత్తగా రాబోతున్న లఖ్నవూ ఫ్రాంచైజీకి ఇతడు కోచింగ్ చేయబోతున్నాడని సమాచారం. అందుకోసమే సన్రైజర్స్కు గుడ్ బై చెప్పనున్నట్లు ప్రముఖ స్పోర్ట్స్ వెబ్సైట్ వెల్లడించింది.
2012, 14 సీజనల్లో బేలిస్ కోచింగ్ పర్యవేక్షణలోనే కోల్కతా నైట్రైడర్స్ విజేతగా నిలిచింది. అలాగే 2011-12 బిగ్బాష్ లీగ్లో సిడ్నీ సిక్సర్స్ను విన్నర్గా నిలిపాడు. 2019లో ఇంగ్లాండ్ జట్టు వన్డే ప్రపంచకప్ గెలిచింది కూడా ఇతడి పర్యవేక్షణలోనే. ఆ తర్వాత సన్రైజర్స్కు కోచ్గా బాధ్యతలు తీసుకున్నాడు బేలిస్.
పంజాబ్కు ఆండీ ఫ్లవర్ గుడ్బై
Andy Flower Punjab Kings: పంజాబ్ కింగ్స్ అసిస్టెంట్ కోచ్ బాధ్యతల నుంచి ఆండీ ఫ్లవర్ తప్పుకొన్నాడు. ఈ విషయాన్ని ఫ్రాంచైజీ అధికారికంగా వెల్లడించింది. జట్టుతో రెండేళ్ల ఒప్పందం ముగిసినందున ఇతడు ఈ నిర్ణయం తీసుకున్నట్లు బీసీసీఐ అధికారి ఒకరు తెలిపారు. కొత్త జట్ల(లఖ్నవూ, అహ్మదాబాద్)తో ఫ్లవర్ కలిసి పనిచేసేందుకు ఆసక్తిగా ఉన్నట్లు పేర్కొన్నారు.
