ICC Latest Gill T20 Rankings : టీమ్ఇండియా ఓపెనర్ శుభమన్ గిల్ ఓ ఘనత అందుకున్నాడు. తాజా టీ20 ర్యాంకింగ్స్లో కెరీర్ బెస్ట్ 25వ ర్యాంకును అందుకున్నాడు. వెస్టిండీస్తో జరిగిన ఐదు మ్యాచుల సిరిసీలో చివరి రెండు గేమ్స్లో 77,9 స్కోరు చేసిన గిల్.. 43 స్థానాలు ఎగబాకి ఈ మార్క్ను అందుకున్నాడు. అంతకుముందు అతడు అహ్మదాబాద్ వేదికగా న్యూజిలాండ్తో జరిగిన మ్యాచ్లో 126 బాది కెరీర్ బెస్ట్ 30వ పొజిషన్లో ఉండేవాడు.
Yashasvi Jaiswal T20 Rankings : వెస్టిండీస్తో జరిగిన నాలుగో మ్యాచ్లో గిల్(77; 47 బంతుల్లో 3×4, 5×6).. జైశ్వాల్(84నాటౌట్‌; 51 బంతుల్లో 11×4, 3×6) కలిసి మొదటి వికెట్కు 165 పరుగులు జోడించారు. టీమ్ఇండియా తరఫున టీ20ల్లో అత్యధిక మొదటి వికెట్ భాగస్వామం నెలకొల్పిన రోహిత్ - రాహుల్ రికార్డ్ను(165 పరుగులు) సమం చేశారు. ఈ మార్క్ ఇన్నింగ్స్తో జైస్వాల్.. ర్యాంకింగ్స్లోకి దూసుకొచ్చాడు. ప్రస్తుతం 88వ స్థానాన్ని చేరుకున్నాడు. స్పిన్నర్ కుల్దీప్ యూదవ్ 23 ర్యాంకులు ముందుకు జరిగి 28వ స్థానానికి చేరుకున్నాడు. నాలుగో మ్యాచ్లో రెండు వికెట్లు పడగొట్టి కుల్దీవ్ ఈ ర్యాంకును అందుకున్నాడు. ఈ నాలగు మ్యాచ్లో భారత్ 9 వికెట్ల తేడాతో ఘన విజయం సాధించింది. ఇక ఐదో మ్యాచ్లో ఓడిపోయి.. 2-3 తేడాతో సిరీస్ను కోల్పోయింది.
మొత్తంగా ఈ తాజా ర్యాంకింగ్స్లో టీమ్ఇండియా ప్లేయర్స్ సత్తా చాటారు. ఎప్పటిలానే సూర్యకుమార్‌ యాదవ్ 907 పాయింట్లతో ఈ టీ20ల్లో తన అగ్ర స్థానాన్ని నిలబెట్టుకున్నాడు. అయితే టాప్‌ -10లో సూర్యకుమార్‌ తప్ప ఇతర మరే టీమ్ఇండియా క్రికెటర్‌కు చోటు దక్కించుకోలేదు. రెండో ర్యాంక్‌లో 811 పాయింట్లతో ఉన్న మహమ్మద్ రిజ్వాన్కు సూర్యకుమార్‌ పాయింట్ల వ్యత్యాసం చాలా ఎక్కువగానే ఉంది. ఇకపోతే వెస్టిండీస్ టూర్లో అంతర్జాతీయ కెరీర్‌ను ప్రారంభించిన తిలక్‌ వర్మ 509 పాయింట్లతో 46వ స్థానాన్ని దక్కించుకున్నాడు. యశస్వి జైస్వాల్ 395 పాయింట్లతో 88వ ర్యాంక్ సాధించిన సంగతి తెలిసిందే. ఇక బౌలింగ్‌ విభాగంలో మాత్రం మొదటి పది స్థానాల్లో టీమ్ఇండియా ప్లేయర్స్ లేరు. అయితే ఆల్‌రౌండర్‌ విభాగంలో మాత్రం హార్దిక్‌ పాండ్య 250 పాయింట్లతో రెండో ర్యాంకును అందుకున్నాడు.
ICC Latest Gill ODI Rankings : వన్డేఫార్మాట్‌లో శుభ్‌మన్‌ గిల్ 743 పాయింట్లతో ఐదో స్థానంలో ఉండగా.. విరాట్ కోహ్లీ 705 పాయింట్లతో తొమ్మిదో ర్యాంకులో కొనసాగుతున్నాడు. ఈ వన్డే బౌలర్ల విభాగంలో మహమ్మద్ సిరాజ్ 670 పాయింట్లతో నాలుగు స్థానంలో, కుల్దీప్ యాదవ్ 622 పాయింట్లతో పదో ర్యాంకులో నిలిచారు.
ఇంకా వెస్టిండీస్‌పై టీ20 సిరీస్ ఓడిపోయినప్పటికీ టీమ్ఇండియా 264 రేటింగ్ పాయింట్లు ర్యాంక్ మాత్రం అలానే ఉంది. అగ్రస్థానంలోనే కొనసాగుతోంది. అయితే ఇంగ్లాండ్‌ నుంచి 259 రేటింగ్ పాయింట్లతో తీవ్ర పోటీ నెలకొంది. న్యూజిలాండ్తో జరగనున్న టీ20 సిరీస్ను క్లీన్‌స్వీప్‌ చేస్తే ఈ స్థానాలు మారే అవకాశాలు ఉన్నాయి. ఇక వన్డేల్లో అయితే టీమ్ఇండియా 113 పాయింట్లతో మూడో స్థానంలోనే ఉంది. అగ్రస్థానంలో ఆస్ట్రేలియా 118 పాయింట్లతో కొనసాగుతుండగా, పాకిస్థాన్‌ 116 పాయింట్లతో రెండో ర్యాంకులో ఉంది.
Ind vs Wi 4th T20 : అదరగొట్టిన ఓపెనర్లు.. విండీస్ను చిత్తు చేసిన భారత్.. 2 - 2 తో సిరీస్ సమం
Ind vs Wi 4th T20 : అదరగొట్టిన ఓపెనర్లు.. విండీస్ను చిత్తు చేసిన భారత్.. 2 - 2 తో సిరీస్ సమం
