మలయాళ ప్రముఖ హీరో దుల్కర్ సల్మాన్ లెఫ్టినెంట్ అధికారి రామ్ బయోపిక్లో టైటిల్ రోల్ పోషిస్తున్నాడు. ఇటీవలే ఇందుకు సంబంధించిన ప్రీలుక్ను విడుదల చేసింది చిత్రబృందం. 'మహానటి' సినిమా నిర్మాతలు దీనిని తెరకెక్కిస్తున్నారు. అయితే, తాజాగా ఈ చిత్రానికి సంబంధించి ఓ ఆసక్తికర విషయం వెలుగులోకి వచ్చింది. ఈ బయోపిక్ కోసం మొదట నేచురల్ స్టార్ నానిని సంప్రదించిందట చిత్రబృందం. అయితే కొన్ని కారణాల వల్ల నాని ఈ ఆఫర్ను తిరస్కరించాడని తెలుస్తోంది.
ఈ చిత్రంలో దుల్కర్ సల్మాన్ లెప్టినెంట్ రామ్ పాత్రలో కనిపించనున్నాడు. ఇప్పటికే వచ్చిన ప్రీలుక్తో అభిమానుల్లో భారీ అంచనాలు నెలకొన్నాయి. హను రాఘవపూడి దర్శకత్వం వహిస్తున్నాడు. విశాల్ చంద్ర‌శేఖ‌ర్ స్వరాలు సమకూరుస్తున్నాడు. టైటిల్ను త్వరలోనే ప్రకటించనున్నారు. ప్రస్తుతం కథానాయికను ఎంపిక చేసే ప్రక్రియలో ఉన్నారు.
