స్టార్ హీరోయిన్ కాజల్ అగర్వాల్.. పెళ్లి తర్వాత వరుస సినిమాలతో దూకుడు చూపిస్తోంది. చిరంజీవి 'ఆచార్య' చేస్తున్న ఈ భామ.. నాగార్జునతోనూ కలిసి నటిస్తోంది. ప్రవీణ్ సత్తారు దర్శకత్వం వహిస్తున్న ఈ చిత్రంలో కాజల్ రా ఏజెంట్గా కనిపించనుంది. అయితే ఈ పాత్రకు నెగటివ్ షేడ్స్ ఉంటాయని ప్రస్తుతం జోరుగా ప్రచారం సాగుతోంది. అంతకుముందు వేశ్య పాత్ర అని కూడా ప్రచారం సాగింది. దీంతో కాజల్.. ఈ రెండింటిలో ఏ పాత్ర పోషించనుందో అంటూ అభిమానులు తెగ మాట్లాడుకుంటున్నారు. ఏదేమైనప్పటికీ దీనిపై స్పష్టత రావాలంటే సినిమా వచ్చే వరకు వేచి ఉండాల్సిందే.
ప్రస్తుతం ఈ సినిమా షూటింగ్ శరవేగంగా జరుపుకుంటోంది. హై ఓల్టేజ్ యాక్షన్ డ్రామాగా ఈ చిత్రం రూపుదిద్దుకుంటోంది. ఇందుకోసం నాగ్.. క్రావ్‌ మాగా, సమురై స్వొర్డ్‌ అనే ఇజ్రాయెల్‌ యుద్ధ విద్యల్లో శిక్షణ తీసుకున్నారని తెలిసింది. శ్రీవేంకటేశ్వర ఎల్‌ఎల్‌పీ, నార్త్‌స్టార్‌ ఎంటర్‌టైన్‌మెంట్‌ సంయుక్తంగా ఈ మూవీని నిర్మిస్తున్నాయి.
ఇదీ చూడండి: కాజల్ ఫిట్నెస్ సీక్రెట్ తెలుసా?
