ప్రేమించి ఒక బిడ్డ పుట్టిన తర్వాత తనను రోడ్డుపై వదిలేశాడంటూ.... ఓ మహిళ యువకుడి ఇంటి ఎదుట ఆందోళన చేపట్టిన ఘటన కృష్ణా జిల్లా పెనుగంచిప్రోలు మండలం శివపురంలో చోటుచేసుకుంది. గ్రామానికి చెందిన కోదాటి గోపి విజయవాడకు చెందిన ఓ యువతిని ప్రేమించి ఆడపిల్ల పుట్టిందని అక్కడ నుంచి ఉడాయించి స్వగ్రామం చేరుకున్నాడు.
యువకుడి చిరునామా తెలుసుకున్న బాధిత యువతి తమకు పుట్టిన ఆడపిల్లతో యువకుడి ఇంటి ఎదుట బైఠాయించింది. సత్వరమే తనకు న్యాయం చేయాలంటూ ఆ యువతి పోలీసులను కోరింది. రెండు గంటలుగా యువకుడి ఇంటి ఎదుట ఆందోళన చేస్తున్నా పోలీసులు స్పందించడం లేదని గ్రామస్థులు ఆరోపిస్తున్నారు. గ్రామ పెద్దలు కల్పించుకొని సమస్య పరిష్కరించేందుకు కృషిచేస్తున్నారు. ఆ యువకుడు మాత్రం ఇంటి నుంచి బయటకు రావటం లేదు.
ఇవీ చదవండి: రాజ్యాంగం ఇచ్చిన హక్కులు రక్షించేందుకు మేము సిద్ధం: డీజీపీ
