అమెరికా అధ్యక్ష ఎన్నికల్లో భాగంగా అక్టోబర్ 15న జరగాల్సిన అభ్యర్థుల రెండో సంవాదం వర్చువల్గా నిర్వహించనున్నారు. అమెరికా అధ్యక్షుడు, రిపబ్లికన్ పార్టీ అభ్యర్థి డొనాల్డ్ ట్రంప్కు కరోనా సోకిన నేపథ్యంలో నిర్వాహకులు ఈ నిర్ణయం తీసుకున్నారు.
షెడ్యూల్ ప్రకారం రెండో డిబేట్ మయామిలో జరగాల్సి ఉంది. తాజా మార్పుల నేపథ్యంలో ఇద్దరు నేతలు వేర్వేరు ప్రాంతాల నుంచి వర్చువల్గా పాల్గొంటారు. సమన్వయకర్త, ప్రేక్షకులు మాత్రం మయామిలోనే ఉంటారని నిర్వాహకులు తెలిపారు.
ట్రంప్ నిరాకరణ..
వర్చువల్గా డిబేట్ జరిగితే తాను పాల్గొననని ట్రంప్ కరాఖండిగా చెప్పారు. ఓ వార్తా సంస్థ ముఖాముఖిలో ఈ విషయాన్ని చెప్పారు. తన ప్రత్యర్థి జో బైడెన్ను నిర్వాహకులు రక్షించే ప్రయత్నం చేస్తున్నారని ఆరోపించారు.
ట్రంప్, డెమొక్రటిక్ పార్టీ అభ్యర్థి జో బైడెన్ మధ్య తొలి డిబేట్ సెప్టెంబర్ 30న క్లీవ్లాండ్లో జరిగింది.
ఇదీ చూడండి: ట్రంప్కు కరోనా తగ్గకపోతే డిబేట్ వద్దు: బైడెన్
