రౌడీ బాయ్ విజయ్ దేవరకొండ-టాలీవుడ్ బ్యూటీ సమంత నటిస్తున్న కొత్త చిత్రం 'ఖుషి' నుంచి ఓ లేటెస్ట్ అప్డేట్ను రిలీజ్ చేశారు మూవీ మేకర్స్. మంగళవారం విజయ్ దేవరకొండ బర్త్డే సందర్భంగా ఈ సినిమాలోని ఫస్ట్ సింగల్ను రిలీజ్ చేశారు. 'నా రోజా నువ్వే..' అంటూ సాగే ఈ పాట మ్యూజిక్ లవర్స్ను ఆకట్టుకునేలా ఉంది. ఈ పాటను మొత్తం ఐదు భాషల్లో విడుదల చేశారు. ఇందులో సమంతతో పాటు విజయ్ న్యూ లుక్స్తో అదిరిపోయారంటూ ఫ్యాన్స్ కామెంట్లు పెడుతున్నారు.
కాగా, ఈ సాంగ్కు తెలుగు సాహిత్యాన్ని దర్శకుడు శివ నిర్వాణ అందించారు. గతంలో రిలీజైన ఈ సాంగ్ గ్లింప్స్ కూడా ప్రేక్షకులను మెస్మరైజ్ చేసింది. పాట మొత్తం కశ్మీర్ లోయల్లో చిత్రీకరించారు. సాంగ్ చూస్తుంటే సామ్.. ఈ సినిమాలో ముస్లిం యువతిగా కనిపించనున్నట్లు తెలుస్తోంది. ఇందులో విజయ్ సామ్ కెమిస్ట్రీ కూడా బాగుందని అభిమానులు అభిప్రాయపడుతున్నారు. ఇక ఈ పాటను సంగీత దర్శకుడు హేషామ్ అబ్దుల్ వాహాబ్ పాడారు. మాలీవుడ్లో ఆయనకు మంచి పేరు ఉంది. మలయాళంతో పాటు తెలుగులో సెన్సేషన్ క్రియేట్ చేసిన 'హృదయం' సినిమాకు ఆయనే మ్యూజిక్ డైరెక్టర్. ఆ సినిమా పాటలకు మంచి క్రేజ్ వచ్చింది.
'మహానటి'లో సపోర్టింగ్ రోల్స్లో మెరిశారు సామ్-విజయ్. ఆ సినిమాలో వీరిద్దరి నటనకు మంచి మార్కులు పడ్డాయి. ఆ మూవీ తర్వాత మళ్లీ ఇలా 'ఖుషి' కోసం ఈ జంట కలిసింది. కశ్మీర్ బ్యాక్‌డ్రాప్లో తెరకెక్కుతున్న ఈ సినిమాను మైత్రీ మూవీ మేకర్స్ నిర్మిస్తోంది. ఇప్పటి వరకు రిలీజైన పోస్టర్ నుంచి ఫస్ట్ సింగిల్.. ఇలా అన్నీ అభిమానుల్లో ఆసక్తి రేపుతున్నాయి.
అంతే కాకుండా అప్పట్లో వచ్చిన పవర్ స్టార్ మూవీ 'ఖుషి' టైటిల్తో ఈ సినిమా తెరెకెక్కుతున్నందున్న ఇది కూడా అదే రేంజ్లో బాక్సాఫీస్ను షేక్ చేస్తుందని ఫ్యాన్స్ ఆశిస్తున్నారు. ఇందులో సచిన్ ఖేడేకర్, జయరామ్తో పాటు లక్ష్మీ, మురళీ శర్మ, రోహిణి, రాహుల్ రామకృష్ణ, అలీ, వెన్నెల కిశోర్, శ్రీకాంత్ అయ్యంగార్, శరణ్య ప్రదీప్ లాంటి స్టార్స్ కీలక పాత్రలు పోషించారు.
నిజానికి ఈ సినిమా రెండు నెలల ముందే విడుదల కావాల్సింది. కానీ సమంత అనారోగ్య సమస్యల కారణంగా షూటింగ్‌ ఆలస్యమైంది. దీంతో ఈ సినిమా రిలీజ్‌ను సెప్టెంబర్‌కు పోస్ట్‌ పోన్‌ చేశారు మేకర్స్. తెలుగుతో పాటు తమిళ, కన్నడ, మలయాళ, హిందీ భాషల్లో ఈ సినిమా గ్రాండ్గా విడుదల కానుంది. సెప్టెంబర్ 1న ప్రపంచ వ్యాప్తంగా ప్రేక్షకులను అలరించేందుకు థియేటర్లలోకి రానుంది.
- " class="align-text-top noRightClick twitterSection" data="">
