Tollywood movies releasing in august 2023 : మళ్లీ వీకెండ్ వచ్చింది... బాక్సాఫీస్ వద్ద బోలేడు సినిమాలను తీసుకొచ్చింది. ఇప్పటికే గత వారం విడుదలైన 'బ్రో' డివైడ్ టాక్ వల్ల కాస్త హవా తగ్గినట్టైంది. మూడు వారాల క్రితం రిలీజైన 'బేబీ' దాదాపు రూ.80కోట్ల వరకు పిండేసి ఇప్పుడిప్పుడే సైలెంట్ అవుతోంది. దీంతో ఇప్పుడు చాలా చిన్న సినిమాలు ఆగస్టు 4న శుక్రవారం రోజు విడుదలకు సిద్ధమయ్యాయి.
Dhoni Lgm movie : కృష్ణగాడు అంటే ఒక రేంజ్, రాజుగారి కోడిపలావు, మిస్టేక్, దిల్ సే, ప్రియమైన ప్రియ, రెంట్.. పలు చిత్రాలు బాక్సాఫీస్ ముందు సందడి చేయనున్నాయి. వీటితో పాటే పలు డబ్బింగ్ చిత్రాలు కూడా రిలీజ్కు రెడీ అయ్యాయి. హాలీవుడ్ మూవీ 'మెగ్ 2 : ది ట్రెంచ్', కన్నడ స్టార్ హీరో కిచ్చా సుదీప్ 'హెబ్బులి', తమిళ నటుడు అర్జున్ దాస్ 'బ్లడ్ అండ్ చాకోలెట్', టీమ్ఇండియా మాజీ కెప్టెన్ ధోనీ బ్యానర్లో రూపొందిన ఫస్ట్ మూవీ 'లెట్స్ గెట్ మ్యారీడ్', బిచ్చగాడు ఫేమ్ విజయ్ ఆంటోనీ 'విక్రమ్ రాథోడ్'.. ఇంకా పలు చిత్రాలు బాక్సాఫీస్ ముందు ప్రేక్షకుల్ని పలకరించేందుకు రానున్నాయి.
అయితే ఈ సినిమాలన్నింటికీ.. అడ్వాన్స్ బుకింగ్స్ అంతగా ఏమీ జరగలేదని తెలిసింది. రిలీజ్ రోజు వచ్చి మౌత్ టాక్ పాజిటివ్ టాక్ వచ్చి ఆ తర్వాత ఏమైనా అనూహ్య పరిణామాలు జరిగితే.. వసూళ్లను అందుకోవచ్చు. లేదంటే ఈ వారం సినిమాలు నిరాశపరిచినట్టే. మరి ఏం జరుగుతుందో చూడాలి.. .
Mahesh babu businessman rerelease : రీరిలీజ్ జోరు.. మరో విషయమేమింటే బాక్సాఫీస్ వద్ద కొత్త సినిమాలతో పాటు రీరిలీజ్ సినిమాల హవా కూడా కనిపిస్తోంది. అయితే కొత్త సినిమాల కన్నా రీరిలీజ్ చిత్రాల డిమాండే కాస్త ఎక్కువగా కనిపిస్తున్నట్లు తెలుస్తోంది. 'బిజినెస్ మెన్', 'సూర్య సన్ అఫ్ కృష్ణన్' వంటి చిత్రాలు మళ్లీ విడుదల కానున్నాయి. వీటికి ఆన్ లైన్లో జోరుగా బుకింగ్స్ జరుగుతన్నాయని సమాచారం అందింది. అభిమానులు ఈ రీరిలీజ్ సినిమాల కోసం తెగ హడావుడి చేస్తున్నారట.
మరీ ముఖ్యంగా మహేశ్ బాబు ఫ్యాన్స్ అయితే బిజినెస్ మెన్ కోసం బాగా హడావుడి చేస్తున్నారట. ఆగస్ట్ 9న ఈ చిత్రం విడుదల కానుంది. దీని కోసం ఇప్పటికే భారీగా టికెట్లు అమ్ముడుపోయాని తెలిసింది. మెయిన్ సెంటర్స్లో బిజినెస్ మెన్, సూర్య సన్ అఫ్ కృష్ణన్.. చిత్రాలకు ఆశించిన స్థాయిలో కన్నా ఎక్కువగానే అమ్ముడుపోయాయని అంటున్నారు.
ఇదీ చూడండి :
Rajamouli Mahesh babu movie : ఆ రోజు సర్‌ప్రైజ్‌ ఇవ్వనున్న రాజమౌళి!
OTT New Release Movies : ఓటీటీల్లోకి ఈ వారం ఏకంగా 18 మూవీస్.. మీరు రెడీనా?
