బాలీవుడ్ బాద్షా షారుక్ ఖాన్ హీరోగా తెరకెక్కిన తాజా మూవీ 'పఠాన్'. యశ్రాజ్ ఫిల్మ్స్ బ్యానర్లో ఆదిత్య చోప్రా నిర్మించిన ఈ చిత్రం వచ్చే ఏడాది జనవరి 25న ప్రేక్షకుల ముందుకు రానుంది. తెలుగుతో సహా హిందీ, తమిళ భాషల్లో వస్తున్న ఈ సినిమాపై భారీ అంచనాలు ఉన్నాయి. అయితే ఈ మూవీని ఐసీఈ(ఇమ్మర్సివ్ సినిమా ఎక్స్‌పీరియన్స్) థియేటర్ ఫార్మాట్లో విడుదల చేయనున్నట్లు యశ్ రాజ్ ఫిల్స్మ్ బ్యానర్ ప్రకటించింది. దీంతో ఈ ఫార్మాట్లో విడుదల కానున్న తొలి భారత చిత్రంగా 'పఠాన్' ఘనత సాధించనుంది.
ఐసీఈ థియేటర్ ఫార్మాట్ అంటే?
ఐసీఈ థియేటర్ ఫార్మాట్లో మెయిన్ స్క్రీన్తో పాటు సైడ్ ప్యానెల్స్ ఉంటాయి. సాధారణంగా కనిపించే కలర్స్, కదలికలకు పూర్తి భిన్నంగా మెరుగైన ఇమ్మర్షన్‌ను అందిస్తాయి సైడ్ ప్యానెల్స్. సినిమాలో ప్రేక్షకులు పూర్తిగా లీనమయ్యే అనుభూతిని ఈ ఫార్మాట్లో వచ్చే చిత్రాలు అందిస్తాయి. అంతర్జాతీయంగా 'డాక్టర్ స్ట్రేంజ్ ఇన్ ది మల్టివర్స్ ఆఫ్ మ్యాడ్‌నెస్', 'ది బ్యాట్‌మ్యాన్', 'ఫెంటాస్టిక్ బీస్ట్స్: ది సీక్రెట్స్ ఆఫ్ డంబుల్‌డోర్', 'టాప్ గన్: మావెరిక్ అండ్ మోర్బియస్' వంటి సినిమాలు ఈ హై-ఎండ్ ఫార్మాట్లో ఐసీఈ థియేటర్‌లలో విడుదలయ్యాయి.
టెక్నాలజీని అందిపుచ్చుకోవడంలో తాము ఎప్పుడు ముందుటామని యశ్ రాజ్ ఫిల్స్మ్ డిస్ట్రిబ్యూటర్ రోహన్ మల్హోత్రా అన్నారు. ప్రేక్షకులకు అత్యంత మెరుగైన సినిమా అనుభవాన్ని అందించడానికి ఈ సరికొత్త సాంకేతికతను ఉపయోగించడంలో యశ్ రాజ్ ఫిల్మ్స్ ముందుందని మల్హోత్రా తెలిపారు.
