Ravi Teja Injured: ప్రముఖ నటుడు, మాస్ మహారాజా రవితేజ తన సినిమా చిత్రీకరణలో గాయాల పాలయ్యారు. మోకాలికి దెబ్బతగడం వల్ల సుమారు 10 కుట్లు పడ్డాయని తెలిసింది. 'టైగర్ నాగేశ్వరరావు' సినిమా షూటింగ్లో కొన్ని రోజుల క్రితం ఈ ఘటన చోటుచేసుకోగా తాజాగా వెలుగులోకి వచ్చింది.
ఓ యాక్షన్ సన్నివేశాన్ని చిత్రీకరిస్తున్న సమయంలో రవితేజ పట్టుకున్న తాడు జారిపోవడం వల్ల ఈ ప్రమాదం చోటుచేసుకున్నట్టు సమాచారం. పూర్తిగా విశ్రాంతి తీసుకోకుండానే రవితేజ గురువారం ఈ సినిమా షూటింగ్లో పాల్గొన్నారట. తనవల్ల ఇతర నటులు, సాంకేతిక నిపుణుల డేట్స్‌లో మార్పు రాకూడదని, నిర్మాత ఇబ్బంది పడకూడదనే ఉద్దేశంతోనే ఆయన ఇలా చేశారని సినీ వర్గాల్లో వినిపిస్తోంది.
స్టూవర్ట్‌పురం గజదొంగ జీవితాధారంగా ఈ సినిమా రూపొందుతోంది. 1970ల నేపథ్యంలో సాగే ఈ చిత్రంలో రవితేజ ఇప్పటివరకూ ప్రేక్షకులు చూడని గెటప్‌లో కనిపించనున్నారు. 'దొంగాట' ఫేం వంశీ ఈ చిత్రానికి దర్శకత్వం వహిస్తున్నారు. పాన్‌ ఇండియా స్థాయిలో ఈ సినిమా విడుదలకానుంది. ఈ చిత్రంలో నుపుర్ సనన్, గాయత్రి భరద్వజ్ హీరోయిన్లుగా నటిస్తున్నారు.
మరోవైపు, రవితేజ నటించిన 'రామారావు ఆన్‌ డ్యూటీ' చిత్రం విడుదలకు సిద్ధంగా ఉంది. దీంతోపాటు 'ధమాకా', 'రావణాసుర' సినిమాలు ఆయన చేతిలో ఉన్నాయి.
ఇదీ చూడండి: ఇన్నేళ్లకు మాజీ లవర్తో రణ్బీర్.. 'బ్రహ్మాస్త్రం'లో దీపిక!
