Maheshbabu -vijay movie: ఈ మధ్య కాలంలో మల్టీస్టారర్ల ట్రెండ్ ఎక్కువైంది. ఇద్దరు హీరోలు కలిసి సినిమా చేయడం లేదా ఓ హీరో చిత్రంలో మరో కథానాయకుడు గెస్ట్ రోల్లో కనిపించి సినిమాపై హైప్ పెంచుతున్నారు. తాజాగా ఓ ఇంట్రెస్టింగ్ కాంబో తెరపైకి వచ్చింది.
తమిళ స్టార్ హీరో విజయ్- వంశీ పైడిపల్లి దర్శకత్వంలో ఓ చిత్రం రూపొందుతోంది. దిల్‌రాజు, శిరీష్‌, పరమ్‌ వి పొట్లూరి, పెరల్‌ వి పొట్లూరి సంయుక్తంగా నిర్మిస్తున్నారు. రష్మిక కథానాయిక. ప్రస్తుతం శరవేగంగా చిత్రీకరణ జరుపుకుంటున్న ఈ చిత్రంలో సూపర్స్టార్ మహేశ్ బాబు గెస్ట్ రోల్ చేయబోతున్నారని ప్రస్తుతం జోరుగా ప్రచారం సాగుతోంది. అటు తెలుగులో ఇటు తమిళంలో ఈ ఇద్దరు హీరోలకు ఫుల్ ఫాలోయింగ్ ఉంది. అందుకే ఈ క్రేజీ కాంబోని సెట్ చేసే పనిలో దర్శకుడు వంశీ పైడిపల్లి ఉన్నారని బజ్ వినిపిస్తోంది. మరి ఇందులో నిజమెంతో తెలియాలంటే అధికార ప్రకటన వచ్చే వరకు వేచి ఉండాల్సిందే. ఈ సినిమా వచ్చే ఏడాది సంక్రాంతి సందర్భంగా విడుదల చేసేందుకు సన్నాహాలు చేస్తున్నారు. ఈ సినిమాలో శరత్‌ కుమార్‌, ప్రభు, యోగిబాబు, ప్రకాష్‌ రాజ్‌, శ్రీకాంత్‌, జయసుధ కీలక పాత్రలు పోషిస్తున్నారు.
ఇదీ చూడండి: ఆ హీరోలతో నటించాలని ఉంది: నజ్రియా
