క్రికెటర్లు, సినీ తారల మధ్య ఉన్న స్నేహబంధం గురించి తెలిసిందే. ఎప్పటి నుంచో క్రికెట్, సినీ రంగాల మధ్య బలమైన అనుబంధం ఉంది. తాజాగా అందుకు సాక్ష్యంగా దిగ్గజ క్రికెటర్ సచిన్ తెందుల్కర్, ఏఆర్ రెహ్మాన్ నిలిచారు. ఈ విషయాన్ని గాడ్ ఆఫ్ మ్యూజిక్ ఏఆర్ రెహ్మాన్ సోషల్మీడియాలో ట్వీట్ చేశారు.
సచిన్, రెహ్మాన్ మధ్య స్నేహబంధం చాలా కాలంగా కొనసాగుతోంది. అప్పుడప్పుడు వేడుకల్లో, పార్టీలలో కలుసుకుంటూనే ఉంటారు. అయితే వీరిద్దరు మరోసారి కలుసుకుని ఫ్యాన్స్లో జోష్ను నింపారు. 'మాస్టర్ బ్లాస్టర్‌తో కలిసి కొంత సమయాన్ని గడిపాను' అంటూ వారిద్దరు కలిసిన ఫోటోను షేర్ చేశారు రెహ్మాన్. వారిద్దరూ బాంద్రాలోని ఎంసీఏ క్లబ్‌లో కలిసినట్టు హ్యాష్ ట్యాగ్ ద్వారా వెల్లడించారు. సచిన్ తెందుల్కర్‌కు కూడా ట్యాగ్ చేశారు. ప్రస్తుతం ఈ ఫొటో వైరల్ అవుతోంది.
ఇక ఏఆర్ రెహ్మాన్ ట్వీట్‌కు స్పందిస్తూ.. 'సంగీత సునామీ ఏఆర్ రెహ్మాన్‌తో సండే అద్భుతంగా గడిచిపోయింది' అని సచిన్ తెందుల్కర్ బదులిచ్చారు. కాగా, గతంలో సచిన్ బయోపిక్‌గా వచ్చిన సచిన్: ఏ బిలియన్ డ్రీమ్స్ అనే చిత్రానికి ఏఆర్ రెహ్మాన్ సంగీతం అందించారు. ఈ చిత్రం 2017లో ఏప్రిల్ 26వ తేదీన విడుదలైంది.
ఇదీ చూడండి: హాట్ హాట్ భామలు అదిరిపోయే అందాలు చూస్తే కిక్కే కిక్కు
