Alia Bhatt Baby: బాలీవుడ్‌ సెలబ్రిటీ జోడీ ఆలియా భట్, రణ్బీర్ కపూర్ తల్లిదండ్రులయ్యారు. ముంబయిలోని హెచ్‌ఎన్‌ రిలయన్స్‌ ఆస్పత్రిలో ఆదివారం మధ్యాహ్నం పండంటి ఆడబిడ్డకు ఆలియా జన్మనిచ్చారని కుటుంబసభ్యులు తెలిపారు. తల్లీబిడ్డా ఇద్దరూ క్షేమంగానే ఉన్నారని చెప్పారు. ఈ శుభవార్తతో కపూర్ కుటుంబంలో సందడి వాతావరణం నెలకొంది. ఆలియాను చూసేందుకు కపూర్ కుటుంబసభ్యులు ఒక్కొక్కరిగా ఆస్పత్రికి చేరుకుంటున్నారు. ఆలియా తాను ఆడబిడ్డకు జన్మనిచ్చినట్లు సోషల్మీడియాలో పోస్ట్ చేశారు. మరోవైపు ఈ జంటకు అభినందనలు తెలుపుతూ పలువురు సెలబ్రిటీలు, నెటిజన్లు సోషల్మీడియాలో పోస్టులు పెడుతున్నారు.
రణ్బీర్ కపూర్, ఆలియా జంట 2022 ఏప్రిల్ 14న ముంబయిలో ఘనంగా వివాహం చేసుకున్నారు. అనంతరం ఆలియా గర్భం దాల్చింది. ఈ క్రమంలోనే సమయం దగ్గర పడుతుండటం వల్ల ఈ జంట పరీక్షల నిమిత్తం ముంబయిలోని ఆస్పత్రికి వచ్చారు. ఈ జంట ప్రెగ్నెన్సీ విషయం వెల్లడించినప్పటి నుంచి ఈ శుభవార్త కోసం అభిమానులు ఎంతోగానో ఎదురుచూస్తున్నారు.
అయాన్ ముఖర్జీ దర్శకత్వంలో వచ్చిన 'బ్రహ్మాస్త్ర' సినిమాలో ఈ జంట ప్రధాన పాత్రల్లో నటించారు. ప్రజల నుంచి విశేష స్పదన లభించిన ఈ చిత్రం ప్రస్తుతం ఓటీటీలో ప్రసారమవుతోంది. మరోవైపు.. ఆలియా దర్శకుడు కరణ్ జోహార్ దర్శకత్వంలో రాబోతున్న 'రాకీ ఔర్ రాణీ కి ప్రేమ్ కహానీ'లో రణవీర్ సింగ్, ధర్మేంద్ర, జయా బచ్చన్‌తో కలిసి నటించనున్నారని సమాచారం.
ఇదీ చదవండి: చూపుతిప్పుకోనివ్వని అందంతో మెస్మరైజ్ చేస్తున్న బుల్లితెర రాములమ్మ
అరుదైన వ్యాధితో బాధపడుతున్న స్టార్ హీరో.. బాడీ బ్యాలెన్స్ తప్పిపోతుందంటూ ఆవేదన
