MAN KILLED : తీసుకున్న అప్పు చెల్లించాలని అడిగినందుకు ఓ వ్యక్తిని హత్య చేసిన ఘటన నెల్లూరు జిల్లాలో జరిగింది. కేవలం ఆరు వందల రూపాయల కోసంహత్య చేశాడు. పోలీసుల కథనం ప్రకారం.. కోవూరు పట్టణంలోని బాజార్ సెంటర్ సమీపంలో వెల్డింగ్ పని చేసి జీవించే 65ఏళ్ల చాన్ బాషాకు.. ఖాదర్ బాషా 600 రూపాయలు చెల్లించాల్సి ఉంది. డబ్బు ఇవ్వాలని చాన్ బాషా పలుమార్లు ఖాదర్ బాషాను అడిగాడు. అయితే తాజాగా ఈ విషయమై ఇరువురి మధ్య వివాదం జరిగింది. ఈ నేపథ్యంలో ఫుల్గా మద్యం తాగొచ్చిన ఖాదర్ బాషా.. చాన్ బాషాపై విచక్షణారహితంగా దాడికి పాల్పడ్డాడు. గుండెలపై చేతితో ఇష్టానుసారంగా కొట్టడంతో చాన్ బాషా అక్కడికక్కడే మృతి చెందాడని పోలీసులు తెలిపారు. ఈ ఘటనపై కేసు నమోదు చేసినట్లు తెలిపారు.
ఇవీ చదవండి:
