Elon Musk New Social Media: సామాజిక మాధ్యమ దిగ్గజం ట్విట్టర్లో యాక్టివ్‌గా ఉంటారు ప్రపంచ కుబేరుడు ఎలాన్ మస్క్. తన పోస్టులతో యూజర్లను అప్పుడప్పుడూ తికమక పెడుతుంటారు. కొన్నిసార్లు ఆయన పెట్టే ట్వీట్లు అర్ధం చేసుకోవడానికి చాలా సమయం పడుతుంటుంది. తాజాగా ఆయన చేసిన ఓ ట్వీట్ అలాంటి పరిస్థితికే దారి తీసింది.
ట్విట్టర్ కొనుగోలు ఒప్పందాన్ని రద్దు చేసుకుంటున్నట్ల ఎలాన్ మస్క్ ఇటీవలే ప్రకటించగా.. ప్రస్తుతం ఈ వ్యవహారం కోర్టులో ఉంది. ఈ నేపథ్యంలో ఓ యూజర్ మస్క్కు ఓ ప్రశ్న వేశాడు. "ఒకవేళ ట్విట్టర్ డీల్ పూర్తిగా రద్దు అయిపోతే .. మరో కొత్త సోషల్ మీడియా ప్లాట్‌ఫామ్‌ను ఏమైనా ఏర్పాటు చేస్తారా?" అని ప్రశ్నించాడు. దీనికి మస్క్ సమాధానంగా ఎక్స్.కామ్(X.com) అంటూ ట్వీట్ చేశారు. దీంతో మస్క్ ఈ పేరుతో కొత్త సామాజిక మాధ్యమాన్ని ప్రారంభించనున్నారంటూ నెటిజన్ల మధ్య చర్చ మొదలైంది.
అయితే ఎక్స్.కామ్ అనేది కొత్తదేం కాదు. ఇది గతంలో మస్క్ నిర్వహించి తర్వాత పేపాల్లో విలీనం చేశారు. అనంతరం 2017లో మళ్లీ సొంతం చేసుకున్నారు. ప్రస్తుతం ఎక్స్.డామ్ డొమైన్ యాక్టివ్లోనే ఉంది కానీ అందులో ఎటువంటి సమాచారం లేదు.
ఇవీ చదవండి: పర్సనల్ లోన్ తీసుకున్నారా? ఇవి మర్చిపోవద్దు!
10 రోజుల్లో రూ.12 వేల కోట్ల పెట్టుబడులు.. మార్కెట్లలో సరికొత్త జోష్
