Minor raped by factory manager: దేశ రాజధానిలో దారుణం జరిగింది. ఓ మైనర్పై అత్యాచారం చేసి.. ఆపై బలవంతంగా నోట్లో యాసిడ్ పోశాడు కిరాతకుడు. బాధితురాలిని ఆస్పత్రికి తరలించామని.. ప్రస్తుతం ఆరోగ్యం విషమంగా ఉందని పోలీసులు చెప్పారు. దీనిపై కేసు నమోదు చేసిన పోలీసులు.. నిందితుడిని పట్టకున్నారు. మరోవైపు దీనిపై స్పందించిన దిల్లీ మహిళా కమిషన్.. పోలీసులకు నోటీసులు జారీ చేసింది. కేసుకు సంబంధించిన పూర్తి వివరాలు అందించాలని ఆదేశించింది. బాధితురాలి వాంగ్మూలం తక్షణమే తీసుకుని మెజిస్ట్రేట్కు అందించాలని సూచించింది.
బాధితురాలి కుటుంబం రోజువారీ కూలీ చేస్తూ జీవనం సాగిస్తోంది. ఈ క్రమంలోనే షూ పరిశ్రమలో పనిచేసేందుకు బాధితురాలు వెళ్లింది. తన భార్యకు ఆరోగ్యం బాగాలేదని చెప్పి నమ్మించిన మేనేజర్ జై ప్రకాశ్.. ఆమెను ఇంటికి తీసుకెళ్లాడు. అనంతరం ఆమెపై అత్యాచారానికి పాల్పడ్డాడు. ఆమె ఇంటికి వెళ్లేందుకు ప్రయత్నించగా బలవంతంగా నోట్లో యాసిడ్ పోశాడు. అక్కడి నుంచి తప్పించుకుని ఇంటికి చేరుకున్న బాధితురాలు.. అపస్మారక స్థితిలోకి చేరుకుంది. దీంతో బాధితురాలిని ఎయిమ్స్కు తరలించారు. ప్రస్తుతం బాధితురాలి ఆరోగ్యం విషమంగా ఉందని పోలీసులు చెప్పారు.
ఇవీ చదవండి:
