Maradona watch thief: ఫుట్బాల్ దిగ్గజం మారడోనాకు చెందిన ఖరీదైన చేతి గడియారాన్ని చోరీ చేసిన వ్యక్తి ఇంట్లో ఇతర వస్తువులు కూడా లభ్యమైనట్లు పోలీసులు తెలిపారు. టోపీ, షూస్, ఓ బొమ్మ, మరికొన్ని వస్తువులు ఉన్నట్లు చెప్పారు.
"మారడోనా చేతి గడియారం చోరీ కేసులో అరెస్టయిన వాజిద్ హుస్సేన్ ఇంట్లో.. జాకెట్, ట్రాక్ ప్యాంట్, టీషర్ట్, షూస్, బొమ్మ, లైటర్స్, టోపీ, ఐపాడ్స్ స్వాధీనం చేసుకున్నాం" అని అసోం డీజీపీ జీపీ సింగ్ ట్వీట్ చేశారు.
అయితే ఈ వస్తువుల్లో ఏవి మారడోనాకు చెందినవో నిర్ధరించాల్సి ఉందన్నారు. ఈ వస్తువులను ఎక్కడి నుంచి తీసుకొచ్చాడన్న దానిపైనా విచారణ చేస్తామని తెలిపారు.
అసోం, శివసాగర్ జిల్లాలో నిందితుడు వాజిద్ హుస్సేన్ ఇంట్లో శనివారం రాత్రి ఈ తనిఖీలు నిర్వహించారు పోలీసులు.
దుబాయ్లో మారడోనా వ్యక్తిగత వస్తువులను భద్రపరుస్తున్న ఓ కంపెనీలో నిందితుడు సెక్యూరిటీ గార్డ్గా పనిచేశాడు. కొద్దిరోజుల తర్వాత తన తండ్రికి ఆరోగ్యం బాగాలేదని ఇంటికి వచ్చేశాడు. అంతకుముందే హుబ్లట్ వాచీని ఉంచిన లాకర్లో దొంగతనం జరిగింది. ఇది వాజిద్ పనేనని అధికారులు అనుమానించారు. దీంతో భారత్లోని ఏజెన్సీలకు సమాచారం అందించారు. అసోం పోలీసులు రంగంలోకి దిగి పని పూర్తి చేశారు.
ఇదీ చూడండి: దుబాయ్లో మారడోనా వాచీ చోరీ.. ఇండియాలో నిందితుడు అరెస్ట్!
