Man Gets 3 Years Jail For Calling Minor Hot : బాలికను 'హాట్' అంటూ ఆమెతో అసభ్యంగా ప్రవర్తించిన ఓ 50 ఏళ్ల వ్యక్తికి మహారాష్ట్ర ముంబయిలోని ప్రత్యేక పోక్సో కోర్టు మూడేళ్ల జైలు శిక్ష విధించింది. భారతీయ శిక్షస్మృతిలోని పలు సెక్షన్ల కింద అతడిని దోషిగా నిర్ధరిస్తూ ప్రత్యేక పోక్సో కోర్టు జడ్జి ఎస్సీ జాదవ్ డిసెంబర్ 14న తీర్పు వెలువరించారు. దీనికి సంబంధించిన వివరణాత్మక ఆర్డర్ శనివారం అందుబాటులోకి వచ్చింది.
అసలు ఏం జరిగిందంటే?
2016 మే 24న 13 ఏళ్ల బాలిక తన స్నేహితులతో కలిసి ఓ మసీదు వద్ద నిల్చుని ఉంది. ఇంతలో నిందితుడు ఆమె వద్దకు వెళ్లి అనుచితంగా తాకాడు. అంతటితో ఆగకుండా ఆమె చాలా 'హాట్'గా ఉందని, బుగ్గలపై ముద్దు పెట్టుకోవాలని ఉందని అన్నాడు. ఆమెను తనతో తీసుకెళ్లాలని భావిస్తున్నట్లు అసభ్యంగా మాట్లాడాడు.
బాధితురాలి కుటుంబసభ్యుల ద్వారా ఫిర్యాదు అందుతున్న పోలీసులు నిందితుడిపై పోక్సో చట్టం కింద కేసు నమోదు చేశారు. ఈ కేసుపై విచారణ జరిపిన కోర్టు బాలికపై లైంగిక వేధింపులకు పాల్పడాలనే ఉద్దేశంతో ఆమెను తాకడం, అసభ్యంగా మాట్లాడటం చేశాడని తెలిపింది. దీంతోపాటు నిందితుడు బాలికను వెంబడించి లైంగికంగా వేధించేవాడని రుజువైందని కోర్టు పేర్కొంది.
నిందితుడికి ఐదేళ్ల శిక్ష రద్దు చేసిన కోర్టు!
ఓ నిందితుడికి దిగువ కోర్టు విధించిన ఐదేళ్ల జైలు శిక్షను అలహాబాద్ హైకోర్టు లఖ్నవూ బెంచ్ రద్దు చేసింది. అతడిని నిర్దోషిగా ప్రకటించింది. ఈ కేసులో బాధితుల వాంగ్మూలంలో చాలా వైరుధ్యాలు ఉన్నాయని పేర్కొంది. ఈ ఘటన ఉత్తర్ప్రదేశ్లోని లఖ్నవూలో జరిగింది.
ఇదీ జరిగింది!
తన కుమార్తెను అపహరించి ఆమెతో ఓ వ్యక్తి బలవంతంగా లైంగిక సంబంధాలు పెట్టుకున్నాడని బాధితురాలి తండ్రి ఆరోపిస్తూ 1997లో లఖ్నవూలోని గోసాయ్గంజ్ పోలీస్ స్టేషన్లో ఫిర్యాదు చేశారు. పోలీసులు ఎఫ్ఐఆర్ నమోదు చేశారు. ఈ కేసుపై సెషన్స్ కోర్టులో విచారణ జరిగింది. అనంతరం నిందితుడిని దోషిగా తేల్చిన న్యాయస్థానం ఐదేళ్ల జైలు శిక్షతో పాటు రూ.5000 జరిమానా విధించింది. దీన్ని నిందితుడు హైకోర్టులో సవాల్ చేశాడు.
ఈ కేసులో సాక్ష్యాధారాలు, వాంగ్మూలాలు పరిశీలించిన లఖ్నవూ బెంచ్, అప్పీలుదారుని నిర్దోషిగా ప్రకటించింది. ఈ కేసులో బాధితురాలి వాంగ్మూలంలో వైరుధ్యాలు ఉన్నాయని తెలిపింది. సాక్ష్యాధారాల ప్రకారం బాధితురాలు నిందితుడితో తన ఇష్టంతోనే వెళ్లినట్లు స్పష్టమవుతోందని పేర్కొంది. ఇక తన అభియోగాన్ని నిరూపించడంలో ప్రాసిక్యూషన్ విఫలమైందని చెప్పింది. అప్పీలుదారుని వెంటనే విడుదల చేయాలని సంబంధిత జైలు సూపరింటెండెంట్‌ను కోర్టు ఆదేశించింది.
అతడికి మరణదండన, 92ఏళ్లు జైలుశిక్ష.. బాలుడ్ని చంపి, బాలికను రేప్ చేసిన కేసులో తీర్పు
మైనర్పై రేప్ కేసులో బీజేపీ ఎమ్మెల్యేకు 25 ఏళ్ల జైలు శిక్ష- రూ.10లక్షల జరిమానా
