సింగిల్ డోస్ కొవిడ్-19 వ్యాక్సిన్ స్పుత్నిక్ లైట్(Sputnik vaccine India) ఎగుమతికి కేంద్రం అనుమతించింది. భారత్కు చెందిన ఔషధ సంస్థ హెటిరో బయోఫార్మా లిమిటెడ్.. దేశీయంగా ఉత్పత్తి చేసిన 40 లక్షల డోసులను రష్యాకు పంపనుంది.
రెండు డోసుల స్పుత్నిక్ వి టీకాను(Sputnik vaccine India) రూపొందించిన.. రష్యా సంస్థ ఆర్డీఐఎఫ్(రష్యన్ డైరెక్ట్ ఇన్వెస్ట్మెంట్ ఫండ్) ఒకే డోసు స్పుత్నిక్ లైట్ టీకాను కూడా అభివృద్ధి చేసింది. స్పుత్నిక్ వి టీకా అత్యవసర వినియోగానికి భారత్లో ఏప్రిల్లోనే ఆమోదం లభించినా.. ఈ సింగిల్ డోస్ టీకాను ఇంకా ఆమోదించలేదు. అయితే.. సింగిల్ డోస్ టీకాను భారత్లో ఉత్పత్తి చేసేందుకు గతంలోనే హెటిరోతో ఒప్పందం కుదుర్చుకుంది ఆర్డీఐఎఫ్.
హెటిరోలో ఇప్పటివరకు స్పుత్నిక్ వి (Sputnik V vaccine) 10 లక్షలు, స్పుత్నిక్ లైట్ టీకా డోసులు 20 లక్షల మేర ఉత్పత్తి చేసినట్లు రష్యా అంబాసిడర్ కుదషెవ్ తెలిపారు. ఈ నేపథ్యంలోనే.. రష్యాకు ఎగుమతి చేసేందుకు అనుమతి ఇవ్వాలని కేంద్రాన్ని అనుమతించగా అందుకు సమ్మతం తెలిపింది మోదీ సర్కార్.
త్వరలో వినియోగానికి..
స్పుత్నిక్ లైట్ టీకా(Sputnik V vaccine) ట్రయల్స్ను.. భారత్లో డాక్టర్ రెడ్డీస్ లాబోరేటరీస్ చేపడుతోంది. గత సెప్టెంబర్లోనే ఫేజ్-3 క్లినికల్ పరీక్షలకు భారత ఔషధ నియంత్రణ సంస్థ(డీసీజీఐ) అనుమతి లభించింది.
అతి త్వరలో సింగిల్ డోస్ టీకా అత్యవసర వినియోగానికి అనుమతులు లభించే అవకాశాలున్నాయి.
ఏంటీ స్పుత్నిక్ లైట్?
ఒకే డోసు 'స్పుత్నిక్ లైట్' టీకాను(Sputnik vaccine India) రష్యా రూపొందించింది. దీనికి అక్కడ అత్యవసర అనుమతి లభించింది. కొవిడ్-19ను అదుపు చేయడంలో ఒకే డోసు టీకా 79.4% ప్రభావశీలత కనబరిచినట్లు ఆర్డీఐఎఫ్ పేర్కొంది. ఈ టీకా తీసుకున్న వారిలో 28 రోజుల నాటికి వైరస్‌ను ఎదిరించే యాంటీ-బాడీలు తయారవుతున్నట్లు గుర్తించారు. ఇది కరోనా వైరస్‌ నూతన వేరియెంట్ల పైనా పనిచేస్తోందని సంస్థ స్పష్టం చేసింది. వివిధ దేశాల్లో కొవిడ్-19 తీవ్రత దృష్ట్యా ప్రజలకు తక్కువ సమయంలో ఎక్కువ మందికి టీకా ఇవ్వాల్సిన అవసరం కనిపిస్తోందని, దీనికి ఒకే డోసు టీకా మంచి పరిష్కారమని ఆర్డీఐఎఫ్ తెలిపింది.
ఇవీ చూడండి: 'స్పుత్నిక్ తయారీకి కేంద్ర బిందువుగా భారత్'
