Gmail's Summarize This Email Feature : మీ ఈ-మెయిల్కు రోజూ వందలకొద్దీ మెయిల్స్ వస్తున్నాయా? వాటిల్లో కొన్ని సందేశాలు చదవడానికి లేదా చూడటానికి చాలా పెద్దవిగా అనిపిస్తున్నాయా? అయినా ఏం ఫర్వాలేదు. ఈ సమస్యకు చెక్ పెట్టేందుకు రెడీ అయింది టెక్ దిగ్గజం గూగుల్. ఆండ్రాయిడ్ జీ-మెయిల్ యాప్ కోసం త్వరలో 'మెయిల్ సమ్మరైజ్ ఫీచర్'ను తీసుకువస్తోంది. ఇది ఎంతటి పెద్ద మెయిల్నైనా చాలా సింపుల్గా సమ్మరైజ్ చేసి మీకు చూపించనుంది.
ప్రస్తుతానికి నయా ఫీచర్కు సంబంధించిన బటన్ జీ-మెయిల్ వెబ్ వెర్షన్స్లో మాత్రమే కనిపిస్తోంది. త్వరలోనే దీనిని ఆండ్రాయిడ్ మొబైల్ యూజర్స్కు కూడా అందుబాటులోకి రానుంది.
జీ-మెయిల్ నయా ఫీచర్ వివరాలివి!
- గూగుల్ కంపెనీ ఈ Summarize This Email ఫీచర్కు ఏఐ సాంకేతికతను జోడిస్తోంది. అందువల్ల లెంగ్తీ మెయిల్స్ను కూడా బాగా సమ్మరైజ్ చేసి ఇది చూపిస్తుంది.
- ఈ ఫీచర్ను జెమిని అనే చాట్బాట్ సాయంతో తయారు చేస్తోంది గూగుల్. ఇది ఇప్పటికే జీమెయిల్ వెబ్ వెర్షన్‌లో ఉంది. అయితే ఇది Gemini for Workspace Suite వినియోగదారులకు మాత్రమే ప్రత్యేకం.
- ఈ-మెయిల్ థ్రెడ్స్లోని త్రీ డాట్స్ మెనూలో జెమిని యూజర్స్ కోసం ప్రత్యేకంగా ఎంపిక చేసిన ఈ ఫీచర్ కనిపిస్తుంది. అయితే ప్రస్తుతానికి ఇందులో ఎలాంటి సమ్మరైజ్డ్ కంటెంట్ను మనం చూడలేము.
- ఆండ్రాయిడ్‌లోని జీమెయిల్ యాప్లో త్వరలో రానున్న ఈ ఏఐ ఆధారిత స్మార్ట్ ఫీచర్ను వాడటం వల్ల మీ సమయం ఆదా అవుతుంది. పెద్ద మెయిల్స్ను మీ సమయం మొత్తం వెచ్చించి చదవాల్సిన పనిలేదు. కేవలం సమ్మరైజ్ చేసిన ముఖ్యమైన పాయింట్లు చదువుకుంటే సరిపోతుంది.
- ఈ ఫీచర్ను జీ-మెయిల్ వెబ్ యాప్ వెర్షన్ 2024.03.31.621006929లో చూడవచ్చు.
- గూగుల్ సపోర్ట్ పేజ్ ప్రకారం 'సమ్మరైజ్ దిస్ మెయిల్' ఫీచర్ కేవలం రెండు కంటే ఎక్కువ రిప్లైలు వచ్చిన ఇ-మెయిల్ థ్రెడ్స్కు మాత్రమే వర్తిస్తుంది.
- అయితే ఈ కొత్త ఫీచర్ ప్రధానంగా ఎంటర్‌ప్రైజెస్ వినియోగం కోసం తయారు చేస్తున్నట్లు సమాచారం.
- జెమిని వర్క్స్పేస్ సూట్ యూజర్స్కు మాత్రమే ప్రస్తుతం అందుబాటులో ఉన్న ఈ సమ్మరైజ్ ఇ-మెయిల్స్ ఆప్షన్ను వాడేందుకు ఇ-మెయిల్లోని 'Ask Gemini Button'పై క్లిక్ చేయాలి. అనంతరం సజెషన్స్తో ఉన్న ఓ సైడ్బార్ ఓపెన్ అవుతంది. ఆ తర్వాత తదుపరి యాక్షన్ను కొనసాగించవచ్చు.
వీడియో ఎడిటింగ్కు ఉపయోగపడే టాప్-6 ఫ్రీ ఏఐ టూల్స్ ఇవే! - Free AI Tools For Video Editing
