Sunrisers Hyderabad IPL 2024 : ఈ టోర్నీలో హైదరాబాద్ 200+ స్కోర్ను నాలుగు సార్లు నమోదు చేసింది. అంతే కాకూండా మెగా లీగ్‌ చరిత్రలోనే అత్యధిక పరుగులను సాధించిన జట్టుగానూ చరిత్రకెక్కింది. ఇప్పటి వరకు ఐపీఎల్లో అత్యథిక పరుగులు చేసిన బెంగళూరు రికార్డును బ్రేక్ చేసింది. అంతే కాకుండా తమ రికార్డును తామే తిరగరాస్తూ ఏకంగా 287 పరుగులు చేసింది. ఇప్పటి వరకు ఈ స్కోర్ను మరే టీమ్ సాధించలేకపోయింగది. అలాంటి జట్టు ప్రత్యర్థులు నిర్దేశించిన 207, 213 పరుగుల లక్ష్యాలను ఛేదించలేకపోతోంది.
ఆ ముగ్గురి పొరపాటు వల్లనే
సన్రైజర్స్ తమ తొలి మ్యాచ్‌లో 209 పరుగుల టార్గెట్‌ను రీచ్ అయ్యేందుకు చివరి వరకూ పోరాడింది. అయితే ఆ మ్యాత్లో కేవలం నాలుగు పరుగుల తేడాతో ఓటమిని చవిచూసింది. ఇక గత రెండు మ్యాచుల్లో అయితే సన్రైజర్స్ విజయానికి చేరువగా కూడా రాలేకపోయింది. అయితే ఈ మూడు మ్యాచుల్లోనూ టాప్ ఆర్డర్‌ ప్లేయర్లు సరైన పెర్ఫామెన్స్ ఇవ్వకపోవడం గమనార్హం.
అయితే సన్రైజర్స్ భారీ స్కోర్లు చేయడంలో ప్రధాన పాత్ర పోషించారు ట్రావిస్ హెడ్, అభిషేక్ శర్మ, హెన్రిచ్ క్లాసెన్. కానీ ఈ ముగ్గురు ఛేజింగ్లో మాత్రం పూర్తిగా విఫలమవుతున్నారు. ఆ జట్టులోని మిగతా ప్లేయర్లైన నితీశ్ రెడ్డి, ఐదెన్ మార్‌క్రమ్‌, అబ్దుల్ సమద్ పరిస్థితి కూడా ఇంచుమించు ఇదేలా ఉంది.
యంగ్ ప్లేయర్స్ సంగతేంటి?
ఇప్పుడిప్పుడే ఆల్‌రౌండర్‌గా ఎదుగుతున్న తెలుగుతేజం నితీశ్ రెడ్డి కూడా కొన్ని మ్యాచుల్లో మంచి స్కోర్ చేసి జట్టును ఆదుకున్నాడు. ఇక మరో యంగ్ ప్లేయర్ అబ్దుల్ సమద్ కూడా తొలుత బ్యాటింగ్‌ చేసినప్పుడు ధనాధన్‌ ఇన్నింగ్స్తో అలరించాడు. కానీ ఛేజింలో వీరు కూడా టాప్లే ప్లేయర్లులా డీలా పడిపోతున్నారు. షహబాజ్‌ ఫర్వాలేదనిపిస్తున్నా కూడా అతడి పెర్ఫామెన్స్ జట్టుకు సరిపోవడం లేదు. సీనియర్ ప్లేయర్ ఏడెన్ మార్‌క్రమ్‌ కూడా జట్టును గెలిపించలేకపోతున్నాడు.
ఇదిలా ఉండగా, టాప్ ఆర్డర్‌ కష్టాల్లో ఉన్నప్పుడు మిడిలార్డర్ ప్లేయర్లు టీమ్ గెలుపుకు సహకరించాసి. కానీ, ఈ జట్టులో అది ఓ లోటులా మారిపోయింది. దీంతో సన్రైజర్స్ మిగిలిన ఐదు మ్యాచుల్లోనూ గెలిస్తే తప్ప ప్లేఆఫ్స్‌ అవకాశాలు మరింత మెరుగ్గా ఉండవంటూ విశ్లేషకుల మాట.
బౌలర్లు కూడా సాయం చేయాలి
తొలుత బ్యాటింగ్‌ చేసినప్పుడు హైదరాబాద్ భారీ స్కోర్లు చేస్తుండటం వల్ల బౌలర్లపై పెద్దగా ఒత్తిడి ఉండటం లేదు. 287 కొట్టిన సమయంలో ప్రత్యర్థి జట్టు 265 పరుగులు చేసింది. ఇక 277 స్కోరు చేసినా గెలుస్తామన్న నమ్మకం చివరి బంతి వరకూ ఉండేది కాదు. దీంతో విజయాలు సాధించినా బౌలర్లు విఫలం కావడం సన్రైజర్స్ను కాస్త ఇబ్బందికి గురి చేస్తోంది.
ఈ సీజన్లో భారీగా పరుగులు సమర్పిస్తున్న బౌలర్ల జాబితాలో హైదరాబాద్ ప్లేయర్లు కూడా ఉన్నారు. ఫస్ట్‌ బౌలింగ్‌ చేసిన సమయంలో పెద్దగా మంచు ఎఫెక్ట్ ఉండదు. దీంతో ప్రత్యర్థి బ్యాటర్లను కట్టడి చేసేందుకు మన దగ్గర చాలా అవకాశాలు ఉంటాయి. కానీ, హైదరాబాద్ బౌలర్లు మాత్రం గత రెండు మ్యాచుల్లో ధారాళంగా పరుగులను ఇచ్చేశారు. స్పీడ్‌ ఎంత ముఖ్యమో, బ్యాటర్, పిచ్‌ను బట్టి స్లో డెలివరీలు, ఆఫ్‌ కట్టర్‌లను సంధించాల్సిన అవసరం కూడా అంతే ఉంది.
ఈ సారి కోచ్ మాట్లాదలేదా ?
బెంగళూరు మ్యాచు ఓడిపోయాక, హైదరాబాద్ టీమ్ ఎలాంటి హోమ్ వర్క్‌ చేయలేదని చెన్నైతో మ్యాచ్‌ చూశాక అర్థమవుతోంది. 25న ఆర్సీబీతో మ్యాచ్‌ అనంతరం కమిన్స్‌ పలు కీలక వ్యాఖ్యలు చేశాడు. "గెలిస్తే నేను మాట్లాడతా, ఓడిపోతే కోచ్ డేనియల్‌ వెటోరీ మాట్లాడతాడు" అని అన్నాడు. ఈ నేపథ్యంలో ఫ్యాన్స్ మనసులో అనేక ప్రశ్నలు మెదులుతున్నాయి. వెటోరీ ఏమీ మాట్లాడలేదా? లేక డ్రెస్సింగ్‌ రూమ్‌లో ఈ ఓటమిని సాధారణంగా తీసుకున్నారా ? అనే విషయాలు తెలియడం లేదు.
IPLలో 'సన్రైజర్స్' కొత్త చరిత్ర- 17ఏళ్ల రికార్డ్ సెట్ చేసిన హైదరాబాద్ - IPL 2024
ట్రావిస్ హెడ్ కలర్ ఫాంటసీ- 'బ్లూ జెర్సీ కనిపిస్తే చాలు రెచ్చిపోతున్నాడు' - IPL 2024
