Sachin Tendulkar Modi: క్రికెట్ గాడ్ సచిన్ తెందూల్కర్ రీసెంట్గా ఫ్యామిలీతో కలిసి కశ్నీర్లో పర్యటించారు. అక్కడి అందాలను ఆస్వాదిస్తూ, సచిన్ ఫ్యామిలీతో సరదాగా గడిపారు. ఈ నేపథ్యంలో ఆయన జవాన్లతో ముచ్చటించారు. అలాగే క్రికెట్ బ్యాట్ల తయారీ కంపెనీని సందర్శించి, పారా క్రికెటర్ అమీర్ను కలిశారు. ఈ ఫొటోలు, వీడియోలను సచిన్ ఎప్పటికప్పుడు సోషల్ మీడియాలో షేర్ చేశారు.
అయితే తాజాగా ఆయన మొత్తం ట్రిప్కు సంబంధించి 'నా కశ్మీర్ ట్రిప్లో టాప్ మూమెంట్స్' అని ఓ క్యాప్షన్తో వీడియో రిలీజ్ చేశారు. ఈ వీడియోపై భారత ప్రధాని నరేంద్ర మోదీ స్పందించారు. కశ్మీర్ ట్రిప్లో 'ఉజ్వల భారత్' గురించి చెప్పడం అద్భుతమంటూ సచిన్ను మోదీ ప్రశంసించారు.
'కశ్మీర్ ట్రిప్ నా జ్ఞాపకాల్లో ఎప్పటికీ గుర్తుండిపోతుంది. చుట్టూ మంచుతో కప్పి ఉన్నప్పటికీ, ఇక్కడి ప్రజల ఆతిథ్యం అమోఘం. భారత్లో చూడాల్సిన ప్రదేశాలు ఎన్నో ఉన్నాయని ప్రధాని మోదీజీ అన్నారు. ఈ ట్రిప్ తర్వాత ఆయన మాటలతో నేను ఏకీభవిస్తున్నా. కశ్మీర్ విల్లో బ్యాట్లు 'మేక్‌ ఇన్‌ ఇండియా, మేక్‌ ఫర్‌ వరల్డ్‌'కు ఉదాహరణ. ఈ బ్యాట్లను ప్రపంచవ్యాప్తంగా వినియోగిస్తున్నారు. పర్యటన తర్వాత నేను చెప్పేది ఒక్కటే 'ఉజ్వల భారత్' ఆణిముత్యాల్లో ఒకటైన జమ్మూకశ్మీర్‌కు సందర్శించి ఇక్కడి ప్రకృతిని ఆస్వాదించండి' అని సచిన్ ట్విట్టర్లో రాసుకొచ్చారు.
ఈ ట్వీట్కు మోదీ స్పందిస్తూ 'అద్భుతం. మీ ట్రిప్ నుంచి యువత రెండు విషయాలు తెలుసుకోవాలి. అందులో ఒకటి, ఉజ్వల భారత్లో ఎన్నో పర్యటక ప్రాంతాలు ఉన్నాయి. రెండోది, మేక్‌ ఇన్‌ ఇండియా ప్రాముఖ్యత. మనమంతా కలిసి వికసిత్, ఆత్మ నిర్భర భారత్ను నిర్మిద్దాం' అని రీ ట్వీట్ చేశారు.
ఫ్యాన్కు సర్ప్రైజ్: ఇదే ట్రిప్లో సచిన్ తన అభిమాని పారా క్రికెటర్ అమీర్ను కలిశారు. ఆతడి ఇంటికి వెళ్లి అమీర్ను క్రికెట్ గాడ్ సర్ప్రైజ్ చేశారు. అభిమాన క్రికెటర్ తన ఇంటికి రావడం వల్ల అమీర్ భావోద్వేగానికి లోనయ్యారు. అమీర్ ఇంటికి వెళ్లిన సచిన్ అతడితో కాసేపు ముచ్చటించారు. తాను ఆటోగ్రాఫ్ (Autograph Cricket Bat) చేసిన బ్యాట్ను అమీర్కు సచిన్ బహుమతిగా ఇచ్చారు.
'అమీర్ రియల్ హీరో'- పారా క్రికెటర్పై సచిన్ ప్రశంసలు
14 ఏళ్ల క్రితం సచిన్ డబుల్ సెంచరీ - వన్డే హిస్టరీలో బెస్ట్ మూమెంట్!
