PV Sindhu Asia Championships 2024: భారత స్టార్ షట్లర్ పీవీ సింధు ప్రతిష్ఠాత్మకమైన 2024 ఆసియా బ్యాడ్మింటన్ టోర్నీ నుంచి నిష్క్రమించింది. గురువారం మహిళల సింగిల్స్ ప్రీ క్వార్టర్స్లో ఓటమి పాలైంది. చైనీస్ ఆరోసీడ్ హాన్ యుతో గురువారం ప్రీ క్వార్టర్స్లో హోరాహోరీగా జరిగిన గేమ్లో సింధు 18-21, 21-13, 17-21 తేడాతో ఓడింది. 1 గంట 9 నిమిషాలపాటు సాగిన ఆటలో సింధు పోరాడినప్పటికీ మూడో సెట్లో చైనా ప్లేయర్దే పైచేయి అయ్యింది. దీంతో పారిస్ ఒలింపిక్స్కు ముందు ఇక్కడ సత్తా చాటాలని భావించిన సింధుకు నిరాశే మిగిలింది.
చైనా ప్లేయర్పై 5-0 రికార్డ్ ఉన్న సింధు తొలి గేమ్తో కాస్త వెనకబడి 18-21 తేడాతో కోల్పోయింది. దీంతో రెండో గేమ్లో హుషారుగా ఆడిన సింధు ప్రత్యర్థిపై పైచేయి సాధించింది. ఈ గేమ్ను ఏకంగా 8 పాయింట్ల తేడాతో (13-21) సొంతం చేసుకుంది. దీంతో మ్యాచ్ మూడో గేమ్కు దారితీసింది. ఇక డిసైడర్ రౌండ్లో ఇద్దరి మధ్య గేమ్ హోరాహోరీగా సాగింది. హాన్కు సింధు గట్టిపోటీ ఇచ్చినా, ఆఖర్లో లయ తప్పింది. దీంతో డిసైడర్ గేమ్లో 17-21తో చైనా ప్లేయర్ నెగ్గింది.
మరోవైపు భారత డబుల్స్ జోడీ తానీషా క్రాస్టో- అశ్వినీ పొన్నప్ప కూడా ప్రీ క్వార్టర్స్లో ఓడింది. జపాన్ మూడోసీడ్ నమీ- చిహారుతో పోటీపడ్డ ఈ జోడీ 17-21, 12-21 తేడాతో ఓడింది. కాగా, ఇదే టోర్నీలో పురుషుల సింగిల్స్లో హెచ్ ఎస్ ప్రణయ్కూడా ప్రీ క్వార్టర్స్లోనే నిష్క్రమించాడు. సీవై లిన్తో గురువారం జరిగిన మ్యాచ్లో 18-21, 11-21 వరుస గేమ్లలో ప్రణయ్ ఓడాడు.
ఇక, ఇదే టోర్నీలో తొలి రౌండ్లో బుధవారం మలేషియా ప్లేయర్ గో జిన్‌ వెయినితో తలపడ్డ సింధు 18-21, 21-14, 21-19 తేడాతో నెగ్గి ప్రీ క్వార్టర్స్కు అర్హత సాధించింది. తొలి గేమ్లో 18-21 ఓడిన సింధు, తర్వాత పుంజుకుంది. వరసగా రెండు రౌండ్ల (21-14, 21-19)లో పైచేయి సాధించి నెగ్గింది. ఇక పురుషుల సింగిల్స్లో గువాంగ్‌ జుతో పోటీపడ్డ ప్రణయ్ 17-21, 23-21, 23-21 గెలుపొందాడు.
స్టార్ షట్లర్ పీవీ సింధుకు షాక్ - రెండో రౌండ్లోనే ఇంటికి
Australia Open Prannoy 2023 : ప్రణయ్కు తప్పని నిరాశ.. ఫైనల్స్లో ఓటమి
