Mayank Yadav Diet: లఖ్నవూ సూపర్ జెయింట్స్ స్పీడ్గన్ మయంక్ యాదవ్ ప్రస్తుతం ఐపీఎల్లో అందరి దృష్టిని ఆకర్షిస్తున్నాడు. ఇటీవల పంజాబ్, బెంగళూరుతో జరిగిన మ్యాచ్ల్లో అద్భుత ప్రదర్శనతో లఖ్నవూ విజయంలో కీలక పాత్ర పోషించిన మయంక్ గురించి క్రీడావర్గాల్లో చర్చ నడుస్తోంది. మయంక్ 150+ kmph స్పీడ్తో నిలకడగా బౌలింగ్ చేస్తూ అందర్నీ ఆశ్చర్యపరుస్తున్నాడు. దీంతో అతడి ఫిట్నెస్పై కూడా ప్రసంశలు కురుసున్నాయి.
ఈ నేపథ్యంలో అతడి తల్లి మమతా యాదవ్ మయంక్ డైట్ ప్లాన్ గురించి వెల్లడించారు. ఆటపై ఉన్న మక్కువతో మయంక్ రెండేళ్ల కిందటే మంసహారం తినడం మానేశాడని ఆమె అన్నారు. 'మయంక్ గతంలో నాన్వెజ్ తినేవాడు. కానీ, రెండేళ్ల కిందటే మాంసహారం మానేసి పూర్తిగా వెజ్ ఫుడ్ మాత్రమే తీసుకుంటున్నాడు. అతడి డైట్ ప్రకారం మయంక్ ఏది అడిగితే అది మేం చేసి ఇస్తాము. అలాగని మయంక్ పెద్దగా స్పెషల్ ఫుడ్ తీసుకోడు. రోటి, పప్పు, అన్నం, పాలు, కూరగాయలు లాంటి సాధారణ ఫుడ్ తింటాడు' అని మమత అన్నారు.
'నాన్వెజ్ ఫుడ్ మానేయడానికి గల రెండు కారణాలు మయంక్ మాతో చెప్పాడు. అందులో ఒకటి అతడు శ్రీ కృష్ణుడిని నమ్మడం మొదలుపెట్టాడు. రెండోది, నాన్వెజ్ తన శరీరానికి పడటం లేదన్నాడు. తను ఏది చేసినా గేమ్ కోసం, ఫిట్నెస్ కోసమే చేస్తున్నాడు. 100 శాతం త్వరలోనే మయంక్ టీమ్ఇండియాలో ఎంట్రీ ఇస్తాడు. ఈ విషయంలో నా కన్నా వాళ్ల నాన్నకే ఎక్కువ కాన్ఫిడెన్స్ ఉంది' అని మయంక్ తల్లి రీసెంట్గా ఓ ఇంటర్వ్యూలో పేర్కొన్నారు.
ఇక ఈ పేసర్ను జూన్లో జరగనున్న టీ20 వరల్డ్కప్న ఎంపిక చేయాలన్న డిమాండ్లు సోషల్ మీడియాలో ఎక్కువయ్యాయి. ఈ మేరకు పలువురు మాజీలు కూడా ఈ విషయంపై పాజిటివ్గా స్పందిస్తున్నారు. ఇక రీసెంట్గా బెంగళూరుతో మ్యాచ్లో మ్యాన్ ఆఫ్ ది మ్యాచ్ అందుకున్నసందర్భంగా కూడా మయంక్ తన సక్సెస్ మంత్ర ఎంటో చెప్పాడు. 'ఫిట్నెస్, డైట్, సరిపడా నిద్ర,ఐస్ బాత్ వల్లే నిలకడగా వేగంగా బౌలింగ్ చేయగలుగుతున్నట్లు పేర్కొన్నాడు.
మయంక్ అవి బంతులా? బుల్లెట్లా?- లఖ్నవూకు స్పీడ్ గన్ దొరికేసింది! - Mayank Yadav IPL 2024
'అతడిలా ఎవ్వరూ బౌలింగ్ చేవలేరు - కచ్చితంగా టీ20 వరల్డ్ కప్కు తీసుకోవాలి' - Mayank Yadav LSG
