IPL 2024 Rishab Pant: భారత వికెట్ కీపర్ బ్యాటర్ రిషబ్ పంత్ రోడ్డు ప్రమాదం తర్వాత సుదీర్ఘ కాలం విరామంలో ఉన్న సంగతి తెలిసిందే. అయితే ఇప్పుడతడు దాదాపు 14నెలల విరామం తర్వాత ఐపీఎల్ 2024 కోసం పునరాగమనం చేయబోతున్నాడు. ఈ విషయాన్ని బీసీసీఐ తెలిపిన సంగతి తెలిసిందే. అయితే బీసీసీఐ ప్రకటన తర్వాత పంత్ కూడా తన కమ్బ్యాక్పై స్పందించాడు. ఓ వైపు ఎక్సైటింగ్గా ఫీలవుతూనే కాస్త నెర్వస్గా కూడా అవుతున్నట్లు పంత్ పేర్కొన్నాడు.
"నేను చాలా ఉత్సాహంగా అలాగే కాస్త ఆందోళనగా కూడా ఉన్నాను. మళ్లీ నా తొలి మ్యాచ్ ఆడబోతున్నానన్న ఫీలింగ్ కలుగుతోంది. ప్రమాదం తర్వాత మళ్లీ ఇప్పుడు క్రికెట్ ఆడటం అనేది ఓ అద్భుతమనే చెప్పాలి. నా శ్రేయోభిలాషులు, అభిమానులు, బీసీసీఐ, ఎన్సీఏ సిబ్బందికి కృతజ్ఞతలు. వాళ్ల ప్రేమాభిమానాలు, మద్దతు నాకు బలాన్నిస్తూనే ఉన్నాయి" అని పంత్ చెప్పుకొచ్చాడు.
"నేను దిల్లీ క్యాపిటల్స్, ఐపీఎల్కు తిరిగి వస్తున్నందుకు ఎంతో సంతోషంగా ఉంది. నా టీమ్ ఓనర్లు, సపోర్ట్ స్టాఫ్ ఈ కష్టకాలంలో నాకు అండగా నిలిచారు. వాళ్లకు నేను రుణపడి ఉంటాను. దిల్లీ ఫ్యామిలీతో మళ్లీ కలిసి అభిమానుల ముందు ఆడటానికి ఎంతో ఆతృతగా ఎదురు చూస్తున్నాను" అని పంత్ ఆనందాన్ని వ్యక్తం చేశాడు.
ఐపీఎల్ రాణిస్తే వరల్డ్ కప్లోకి: ఈ ఐపీఎల్ పంత్కు ఓ పరీక్ష లాంటిదనే చెప్పాలి. ఈ మెగా లీగ్లో అతడు బాగా రాణిస్తే టీ20 వరల్డ్ కప్ టీమ్లోకి అతడు వచ్చే అవకాశాలు ఉంటాయి. అతడు ఇప్పటి వరకు కెరీర్లో టీమ్ఇండియా తరఫున 33 టెస్టులు, 30 వన్డేలు, 66 టీ20లు ఆడాడు. అయితే 2022 డిసెంబర్ చివర్లో అతడి కారు ప్రమాదానికి గురైంది. ఈ ఘటనలో తృటిలో ప్రాణాలతో బయటపడ్డ పంత్ తీవ్రంగా గాయపడ్డాడు. దాదాపు మూడు సర్జరీలు జరిగాయి. అయినప్పటికీ గాయాల నుంచి త్వరగానే కోలుకుని 14 నెలల తర్వాత మళ్లీ ఐపీఎల్లో అడుగుపెట్టబోతున్నాడు.
IPL 2024 గెట్‌ రెడీ ఆరెంజ్‌ ఆర్మీ - హైదరాబాద్‌లో మ్యాచ్‌లు ఎప్పుడంటే?
