IND VS ENG 2024 Test Series Rohith Sharma : ధర్మశాల వేదికగా ఇంగ్లాండ్తో జరుగుతున్న ఐదో టెస్ట్లో టీమ్ ఇండియా కెప్టెన్ రోహిత్ శర్మ ఓ సూపర్ రికార్డును తన ఖాతాలో వేసుకున్నాడు. ఇంటర్నేషనల్ క్రికెట్‌లోని మూడు ఫార్మాట్లలో 60కు పైగా క్యాచ్‌లు అందుకున్న తొలి ప్లేయర్గా నిలిచాడు. ఈ మ్యాచ్ తొలి ఇన్నింగ్స్లో ఇంగ్లాండ్ ప్లేయర్ మార్క్ వుడ్‌ క్యాచ్‌ పట్టడం ద్వారా ఈ మార్క్ను అందుకున్నాడు. ప్రపంచ క్రికెట్‌లో ఏ ఇతర ప్లేయర్ కూడా మూడు ఫార్మాట్లలో 60కు పైగా క్యాచ్‌లు అందుకోలేదు
ఇకపోతే టీమ్‌ఇండియా కెప్టెన్ టెస్టుల్లో సిక్సర్ల పరంగా ఓ రికార్డును ఖాతాలో వేసుకున్నాడు రోహిత్ శర్మ. తొలి ఇన్నింగ్స్లో మార్క్‌వుడ్ బౌలింగ్‌లో 151.2 కి.మీ. వేగంతో వచ్చిన షార్ట్‌బాల్‌ను ఫుల్‌షాట్‌తో ఈజీగా ఫైన్‌లెగ్‌ మీదుగా స్టాండ్స్‌లోకి పంపించాడు. దీంతో డబ్ల్యూటీసీ హిస్టరీలో 50 సిక్స్‌లు బాదిన తొలి భారత ప్లేయర్గా హిట్‌మ్యాన్‌ నిలిచాడు.
Kuldeep Yadav 50 Test Wickets : ఇదే మ్యాచ్లో టీమ్ ఇండియా స్పిన్నర్‌ కుల్దీప్ యాదవ్ కూడా సరికొత్త రికార్డు సాధించాడు. టాప్ ఆర్డర్లో బెన్‌ డకెట్‌(27), జాక్‌ క్రాలే(79), ఒలీ పోప్‌(11) వికెట్లను దక్కించుకున్న అతడు మిడిలార్డర్ బ్యాటర్లు జానీ బెయిర్‌ స్టో(29), బెన్‌ స్టోక్స్‌(0)లను కూడా ఔట్ చేశాడు. అయితే స్టోక్స్‌ వికెట్ తీసిన సందర్భంగా కుల్దీప్ సూపర్ రికార్డ్ను దక్కించుకున్నాడు. టీమ్ ఇండియా తరఫున తక్కువ బంతుల్లోనే(1871) 50 టెస్టు వికెట్లు తీసిన బౌలర్‌గా నిలిచాడు. ఈ క్రమంలో పేసర్‌ జస్‌ప్రీత్‌ బుమ్రా(2205), స్పిన్నర్‌ అక్షర్‌ పటేల్‌లను(2520) ఈ చైనామన్‌ బౌలర్ అధిగమించాడు. ఇంకా అంతర్జాతీయ క్రికెట్‌లో అన్ని ఫార్మాట్లలో కలిపి 275 వికెట్ల మైలురాయిని అందుకున్నాడు. ఈ మార్కును చేరుకున్న 17వ భారత బౌలర్‌గా నిలిచాడు.
Yashaswi Jaiswal 1000 Test Runs : టీమ్ ఇండియా యంగ్ ఓపెనర్‌ యశస్వి జైశ్వాల్ కూడా అదిరే రికార్డును అందుకున్నాడు. రికార్డుల రారాజు విరాట్‌ కోహ్లీ పేరిట ఉన్న ఓ రికార్డునే బ్రేక్ చేశాడు. ఇంగ్లాండ్తో జరిగిన టెస్ట్ సిరీస్‌ల్లో అత్యధిక పరుగులు చేసిన రికార్డ్ కోహ్లీ పేరిట ఉండేది. అది ఇప్పుడు యశస్వి పేరుకు మారిపోయింది. విరాట్‌ 2016-17లో స్వదేశంలో జరిగిన నాలుగు మ్యాచ్‌ల సిరీస్‌లో 8 ఇన్నింగ్స్ కలిపి 109.2 యావరేజ్తో 655 పరుగులు చేశాడు. అయితే ఇప్పుడు జరుగుతున్న ఇంగ్లాండ్ సిరీస్‌లో యశస్వి కోహ్లీ రికార్డును బ్రేక్ చేశాడు. ఇప్పటివరకు ఆడిన 9 ఇన్నింగ్స్‌ల్లో 93.71 యావరేజ్తో 655 రన్స్ను దాటేశాడు. ఐదో టెస్ట్ తొలి ఇన్నింగ్స్లో యశస్వి జైస్వాల్ (57; 58 బంతుల్లో 4 ఫోర్లు, 3 సిక్స్‌లు) హాఫ్సెంచరీ బాదడంతో ఇంగ్లాండ్ జట్టుపై అత్యధిక రన్స్ (712) చేసిన భారత ఆటగాడిగా ఘనత సాధించాడు. అతడు మరిన్ని పరుగులు చేసే అవకాశం ఉంది. ఈ క్రమంలోనే ఓ ద్వైపాక్షిక టెస్టు సిరీస్‌లో 700కు పైగా రన్స్ చేసిన రెండో భారత ప్లేయర్గానూ రికార్డు క్రియేట్ చేశాడు. అంతకుముందు సునీల్ గావస్కర్‌ వెస్టిండీస్‌పై రెండుసార్లు (774 పరుగులు - 1971, 732 పరుగులు -1979) ఈ ఘనత అందుకున్నాడు.
తొలి భారత ఆటగాడిగా : టెస్టుల్లో తక్కువ (9) మ్యాచ్‌ల్లో 1000 పరుగులు పూర్తి చేసుకున్న తొలి భారత ప్లేయర్గానూ యశస్వి రికార్డ్ క్రియేట్ చేశాడు. అంతకుముందు సునీల్ గావస్కర్‌, ఛెతేశ్వర్‌ పుజారా 11 మ్యాచ్‌ల్లో ఈ ఫీట్‌ను టచ్ చేశారు. అరంగేట్రం చేసిన తర్వాత తక్కువ రోజుల్లో (239) 1000 రన్స్ చేసిన భారత ప్లేయర్గానూ యశస్వి నిలిచాడు.అంతకుముందు ఈ రికార్డు రాహుల్ ద్రవిడ్ (299 రోజులు) పేరిట ఉంది. ఇక వినోద్‌ కాంబ్లీ 14 ఇన్నింగ్స్‌ల్లో 1000 పరుగులు సాధిస్తే, జైశ్వాన్ 16 ఇన్నింగ్స్‌ల్లో ఈ ఫీట్ అందుకున్నాడు. టెస్టుల్లో ఒకే జట్టుపై అత్యధిక సిక్స్‌లు బాదిన భారత బ్యాటర్‌ కూడా జైశ్వాలే కావడం విశేషం. ఇంగ్లాండ్‌పై 26 సిక్స్‌లు బాది సచిన్ (25 సిక్స్‌లు అస్ట్రేలియాపై)ను దాటేశాడు.
ఐపీఎల్ ముందు ధావన్ ధనాధన్ - 99 నాటౌట్ - ప్రత్యర్థులు హడల్!
