ICC Test Rankings 2024: టీమ్ఇండియా స్టార్ స్పిన్నర్ రవిచంద్రన్ అశ్విన్ టెస్టు ర్యాంకింగ్స్లో నెం.1 స్థానానికి చేరుకున్నాడు. రీసెంట్గా ముగిసిన ఇంగ్లాండ్ టెస్టు సిరీస్లో అదరగొట్టిన అశ్విన్ బౌలింగ్ విభాగంలో 870 రేటింగ్స్తో ఒక స్థానం మెరుగుపర్చుకొని అగ్రస్థానానికి దూసుకెళ్లాడు. కాగా, టెస్టు ర్యాంకింగ్స్లో టాప్ పొజిషన్కు చేరుకోవడం అశ్విన్కు ఇది ఆరోసారి. ఇక పేసర్ జస్ప్రీత్ బుమ్రా 847 రేటింగ్స్తో ఆస్ట్రేలియా బౌలర్ జోష్ హేజిల్వుడ్తో కలిసి రెండో స్థానాన్ని షేర్ చేసుకుంటున్నాడు.
టాప్-5లో ఉన్న బౌలర్లు
- రవిచంద్రన్ అశ్విన్ (భారత్)- 870 రేటింగ్స్
- జోష్ హేజిల్వుడ్ (ఆస్ట్రేలియా)- 847 రేటింగ్స్
- జస్ప్రీత్ బుమ్రా (భారత్)- 847 రేటింగ్స్
- కగిసొ రబాడా (సౌతాఫ్రికా)- 834 రేటింగ్స్
- ప్యాట్ కమిన్స్ (ఆస్ట్రేలియా)- 820 రేటింగ్స్
మరోవైపు బ్యాటింగ్ విభాగంలో టీమ్ఇండియా కెప్టెన్ రోహిత్ శర్మ ఏకంగా ఐదు స్థానాలు మెరుగుపర్చుకున్నాడు. ప్రస్తుతం రోహిత్ 751 రేటింగ్స్లో ఆరో పొజిషన్లో కొనసాగుతున్నాడు. ఇక యంగ్ బ్యాటర్ యశస్వీ జైశ్వాల్ రెండు స్థానాలు ఎగబాకి 8వ ర్యాంక్ దక్కించుకున్నాడు. ప్రస్తుతం జైశ్వాల్ 740 రేటింగ్స్తో ఉన్నాడు. అయితే టెస్టు కెరీర్లో జైశ్వాల్ 9 మ్యాచ్ల్లోనే 700+ రేటింగ్స్ సాధించడం విశేషం.
ఈ నేపథ్యంలో 9 మ్యాచ్ల తర్వాత అత్యధిక రేటింగ్స్ సాధించిన లిస్ట్లో జైశ్వాల్ మూడో స్థానంలో ఉన్నాడు. ఆస్ట్రేలియా మాజీ క్రికెటర్లు డాన్ బ్రాడ్మన్ (742 రేటింగ్స్), మైక్ హస్సీ (741 రేటింగ్స్) మాత్రమే జైశ్వాల్ కంటే ముందున్నారు. కాగా, స్టార్ బ్యాటర్ విరాట్ కోహ్లీ 737 రేటింగ్స్తో తొమ్మిదో ప్లేస్కు పడిపోయాడు. దీంతో బ్యాటింగ్ ర్యాంకింగ్స్ టాప్- 10లో ముగ్గురు భారత్ ప్లేయర్లు స్థానం దక్కించుకున్నారు. ఇక ఇంగ్లాండ్ సిరీస్లో మెరుగ్గా రాణించిన యంగ్ బ్యాటర్ శుభ్మన్ గిల్ ఏకంగా 11 స్థానాలు ఎగబాకాడు. అతడు ప్రస్తుతం 664 రేటింగ్స్తో 21వ స్థానంలో కొనసాగుతున్నాడు.
టాప్-5లో ఉన్న బ్యాటర్లు
- కేన్ విలియమ్సన్ (న్యూజిలాండ్)- 859 రేటింగ్స్
- జో రూట్ (ఇంగ్లాండ్)- 824 రేటింగ్స్
- బాబర్ అజామ్ (పాకిస్థాన్)- 768 రేటింగ్స్
- డారిల్ మిచెల్ (న్యూజిలాండ్)- 768 రేటింగ్స్
- స్టీవ్ స్మిత్ (ఆస్ట్రేలియా)- 757 రేటింగ్స్
మూడు ఫార్మాట్లలో టీమ్ఇండియానే నెం.1- ర్యాంకింగ్స్లో భారత్ డామినేషన్
కెరీర్లో బెస్ట్ ప్లేస్కు యశస్వి- టాప్ 10లోకి దూసుకుపోయాడుగా
