Cricketers Love Stories: వాలెంటైన్స్ డే లవ్ బర్డ్స్కు ఎంతో స్పెషల్. వారం రోజుల పాటు ఈ వాలంటైన్స్ డేను సెలబ్రేట్ చేసుకుంటారు ప్రేమికులు. ఈ స్పెషల్ రోజున చాలా మంది తమ పార్ట్నర్కు డిఫరెంట్ స్టైల్లో ప్రపోజ్ చేసి ఇంప్రెస్ చేస్తుంటారు. దీనికి సినిమా హీరోలు, క్రికెటర్లు, సెలబ్రిటీలు ఎవరూ అతీతం కాదు. అయితే టీమ్ఇండియా స్టార్లు కెప్టెన్ రోహిత్ శర్మ సహా, విరాట్ కోహ్లీ , ధోనీ ఇలా అనేక మంది క్రికెటర్లు ప్రేమ వివాహం చేసుకున్నారు. ఈ వాలంటైన్స్ డే సందర్భంగా ప్రేమకు క్లీన్ బౌల్డ్ అయిన క్రికెటర్లు ఎవరంటే?
సచిన్ తెందూల్కర్- అంజలి: మాస్టర్ బ్లాస్టర్ సచిన్ టెండూల్కర్ది ప్రేమ వివాహామే. 1990లో అంజలితో పరిచయం ఏర్పడిన సచిన్ ఆమెతో ప్రేమలో పడ్డాడు. ఆ తర్వాత 1995లో వీరు వివాహబంధంతో ఒక్కటయ్యారు. వీరికి సారా, అర్జున్ తెందూల్కర్ ఇద్దరు పిల్లలున్నారు. కాగా, అర్జున్ తెందూల్కర్ పలు డొమెస్టిక్ టోర్నమెంట్ల్లో రాణిస్తున్నాడు.
గంగూలీ- డోనా: టీమ్ఇండియా మాజీ ప్లేయర్ సౌరభ్ గంగూలీ తన ప్రియురాలు డోనా గంగూలీని 1997లో లవ్ మ్యారేజ్ చేసుకున్నాడు.
దినేష్ కార్తీక్- దీపిక: దినేష్ కార్తీక్ తన ప్రియురాలు దీపికతో ప్రేమలో మునిగితేలాడు. ఆ తర్వాత పెళ్లి చేసుకున్నాడు. 2013లో మారథాన్లో తొలిసారి కలుసుకున్న వీరి ప్రేమకథ వెరైటీగా స్టార్ట్ అయ్యిందంటూ ఓ ఇంటర్వ్యూలో చెప్పాడు.
మహేంద్రసింగ్ ధోనీ-సాక్షి మాజీ కెప్టెన్ మహేంద్రసింగ్ ధోనీ తన చిన్ననాటి స్నేహితురాలు సాక్షిని ప్రేమ వివాహం చేసుకున్నాడు. వీరిద్దరికీ ఒక పాప (జీవా సింగ్) పుట్టింది.
రోహిత్ శర్మ- రితికా: టీమ్ఇండియా కెప్టెన్ రోహిత్ శర్మ ప్రేమ వివాహం చేసుకున్నాడు. అతడి పర్సనల్ మేనేజర్ రితికా సజ్దేతో కొన్నేళ్లు లవ్ ట్రాక్ నడిపాడు రోహిత్. ఇక ఇరు కుటుంబాలను ఒప్పించిన ఈ జంట 2015 డిసెంబర్లో మూడుముళ్ల బంధంతో ఒక్కటైంది. ఈ జంట 2018లో సమైరా అనే పాప జన్మించింది.
విరాట్ కోహ్లీ-అనుష్క: టీమ్ఇండియా స్టార్ బ్యాటర్ విరాట్ కోహ్లీ- అనుష్క శర్మ ఒక షాంపూ యాడ్ కోసం కలిసి పని చేశారు. అయితే కోహ్లీ మరీ ప్రత్యేకంగా అనుష్కకు ప్రపోజ్ చేయలేదట. కానీ చూపులతోనే ఇద్దరు మనసులు కలవడం వల్ల వీరి ప్రేమ పెళ్లి వైపు అడుగులు వేసింది. అలా 2017 డిసెంబర్ 11న విరాట్- అనుష్క గ్రాండ్గా పెళ్లి చేసుకున్నారు. వీరికి ఒక పాప (వామిక) ఉంది.
యువరాజ్ సింగ్- కీచ్: సిక్సర్ల కింగ్ యువరాజ్ సింగ్ ఫారిన్ అమ్మాయి హజేల్ కీచ్ను ప్రేమించి పెళ్లాడాడు. వీరిద్దరూ 2016 నవంబర్ 30న గురుద్వారాలో వివాహం చేసుకున్నారు. వీరికి ఓ పాప, ఒక బాబు ఉన్నారు.
జహీర్ ఖాన్- సాగరిక: టీమ్ఇండియా మాజీ ఫాస్ట్ బౌలర్ జహీర్ ఖాన్కూడా లవ్లో పడ్డాడు. అతడు సాగరికను ప్రేమించి వివాహం చేసుకున్నాడు.
హర్బజన్ సింగ్- గీతా బాస్రా: హర్బజన్ సింగ్- గీతా బాస్రా ప్రేమ వివాహం చేసుకున్నారు. వీరిద్దరూ జలంధర్లో భారతీయ సంప్రదాయం ప్రకారం పెళ్లి బంధంతో ఒక్కటయ్యారు.
కమిన్స్ భార్యకు నెటిజన్ లవ్ ప్రపోజల్- ఇంట్రెస్టింగ్గా రిప్లై ఇచ్చిన క్రికెటర్
'అప్పటికి చాహల్ ఎవరో నాకు తెలీదు- ఆ ఒక్క మాటతో నచ్చేశాడు'- ధనశ్రీ లవ్ కహానీ!
