Australia 2024 T20 World Cup Captain : గతేడాది సొంత గడ్డపై జరిగిన 2023 ఐసీసీ వన్డే వరల్డ్కప్ ఫైనల్లో భారత్ను దెబ్బకొట్టింది ఆస్ట్రేలియా. టోర్నీ మొత్తంలో అద్భుతంగా రాణించిన టీమ్ఇండియా అనూహ్యంగా ఓడిపోవడం వల్ల ఆరోసారి మెగా టోర్నీ ఎగరేసుకుపోయింది కంగారూ జట్టు. అయితే త్వరలో జరగబోయే 2024 టీ20 వరల్డ్కప్లోనూ విజేతగా నిలవాలని ఆసీస్ కసరత్తులు చేస్తున్నట్లు సమాచారం. అందులో భాగంగానే యాజమాన్యం, జట్టులో మార్పులు చేస్తున్నట్లు తెలుస్తోంది. ఈ క్రమంలో ప్రస్తుతం టీ20 ఫార్మాట్కు కెప్టెన్గా ఉన్న ప్యాట్ కమిన్స్ స్థానంలో మిచెల్ మార్ష్కు సారథ్య బాధ్యతలు అప్పగించేదుకు బోర్డు సిద్ధమైనట్లు వార్తలు వస్తున్నాయి.
అయితే మిచెల్ మార్ష్కు టీ20 జట్టు సారథ్య బాధ్యతలు అప్పగించాలని ఆ జట్టు హెడ్‌ కోచ్‌ ఆండ్రూ మెక్‌ డొనాల్డ్‌ ఆసీస్ క్రికెట్ బోర్డుపై ఒత్తిడి తెస్తున్నట్లు తెలుస్తోంది. జార్జ్‌ బెయిలీ అధ్యక్షుడిగా ఉన్న సెలెక్షన్‌ కమిటీలో సభ్యుడైన మెక్‌ డొనాల్డ్‌, మార్ష్ 2024 టీ20 ప్రపంచకప్లో ఆసీస్ పగ్గాలు చేపట్టాలని బలంగా కోరుకుంటున్నాడని సమాచారం. మరోవైపు టీ20 కెప్టెన్సీ వదులుకునేందుకు ప్రస్తుత సారథి ప్యాట్ కమిన్స్ కూడా సుముఖంగా ఉన్నట్లు టాక్ నడుస్తోంది.
ఆస్ట్రేలియా టీ20 జట్టు కెప్టెన్గా మిచెల్ మార్ష్కు మంచి రికార్డు ఉంది. ఆరోన్‌ ఫించ్‌ సారథ్య బాధ్యతల నుంచి తప్పుకున్న తర్వాత జరిగిన తొలి సిరీస్‌లోనే జట్టును విజయ పథంలో నడిపించాడు మార్ష్. ఇక మార్ష్ సారథ్యంలో, వరల్డ్ టెస్ట్‌ ఛాంపియన్‌షిప్‌ ఫైనల్ 2021-23 తర్వాత దక్షిణాఫ్రికాతో టీ20 సిరీస్‌ను క్లీన్స్వీప్ చేసింది ఆసీస్. ఈ కారణాలతో మిచెల్ మార్ష్‌నే సారథిగా కొన‌సాగించాల‌ని ఆసీస్ బోర్డు, కోచ్‌లు భావిస్తున్నట్లు సమాచారం. కాగా ఈ ఏడాది జూన్ 1వ తేదీ టీ20 ప్రపంచకప్ మ్యాచ్లు మొదలు కానున్నాయి. జూన్ 6న జరగనున్న తన మొదటి మ్యాచ్లో ఆస్ట్రేలియా, ప‌సికూన ఒమ‌న్ టీమ్తో త‌ల‌ప‌డ‌నుంది. అనంత‌రం జూన్ 9న డిఫెండింగ్ ఛాంపియ‌న్ ఇంగ్లాండ్‌తో ఆసీస్ మ్యాచ్ ఆడనుంది.
'హార్దిక్ లేకుండానే గుజరాత్ స్ట్రాంగ్గా ఉంది'- పాండ్యపై ఆసీస్ మాజీ ప్లేయర్ కీలక వ్యాఖ్యలు
WPL 2024 : చావోరేవో మ్యాచ్లో యూపీ ఓటమి- ప్లేఆఫ్ ఆశలు గల్లంతే
