Asia Badminton Championship 2024 : ఆసియా బ్యాడ్మింటన్ టీమ్ ఛాంపియన్షిప్ క్వార్టర్ ఫైనల్స్లో హాంగ్కాంగ్ను చిత్తు చేసి సెమీస్కు అర్హత సాధించిన భారత మహిళల జట్టు తన ఖాతాలో మరో పతకాన్ని ఖాయం చేసుకుంది. దీంతో బ్యాడ్మింటన్ చరిత్రలోనే తొలిసారి ఆసియా బ్యాడ్మింటన్ టీమ్ ఛాంపియన్‌షిప్‌లో మెడల్ను గెలవనుంది భారత్. మలేసియాలో జరుగుతున్న ఈ ప్రతిష్ఠాత్మక టోర్నీలో శుక్రవారం జరిగిన క్వార్టర్స్ మ్యాచ్లో హాంగ్ కాంగ్‌పై భారత్ 3-0 తేడాతో విజయం సాధించింది. ఈ పోరులో హాంగ్కాంగ్కు చెందిన లోయర్ సీడ్ షట్లర్ సిన్ యాన్ హ్యాపీని తన అద్భుత ప్రదర్శనతో కట్టడి చేసింది సింధు. ఈ మ్యాచ్లో 21-7, 16-21, 21-12 తేడాతో సిన్పై గెలిచి భారత్కు ఆధిక్యాన్ని అందించింది.
మరోవైపు మహిళల డబుల్స్లో షట్లర్లు తనీషా క్రాస్టో, అశ్విని పొన్నప్ప జోడీ ప్రపంచ నెం.18 ద్వయం యెంగ్ న్గా టింగ్, యెంగ్ పుయ్ లామ్(హాంగ్కాంగ్)పై 21-10, 21-14తో నెగ్గి భారత్ను సెమీస్ రేసులో నిలిపారు. మహిళల సింగిల్స్లో అశ్మితా చలిహా 21-12, 21-13తో చైనీస్ ప్లేయర్ యెంగ్ సమ్ యీపై క్వార్టర్ ఫైనల్లో నెగ్గింది. తదుపరి క్వార్టర్ ఫైనల్ మ్యాచ్ జపాన్-చైనా మధ్య జరగనుంది. ఇందులో నెగ్గిన జట్టుతో భారత్ సెమీస్లో తలపడనుంది.
సింధు సూపర్ కమ్బ్యాక్
గాయం కారణంగా సుదీర్ఘ విరామం తర్వాత బ్యాడ్మింటన్ ఆసియా టీమ్ ఛాంపియన్షిప్స్ 2024 టోర్నమెంట్తో అదిరిపోయే కమ్బ్యాక్ ఇచ్చింది భారత స్టార్ షట్లర్ పీవీ సింధు. నాలుగు నెలల విరామం తర్వాత బరిలోకి దిగిన సింధు అదరగొట్టింది. మంగళవారం జరిగిన మహిళల సింగిల్స్లో చైనీస్ టాప్ సీడ్ హాన్ యుతో తలపడ్డ సింధు 40 నిమిషాల్లోనే ఆటను ముగించింది. హాన్ యుపై సింధు 21-17, 21-15 తేడాతో నెగ్గింది. దీంతో ఛాంపియన్షిప్స్ నాకౌట్లో చైనాతో తలపడ్డ భారత్ తొలి మ్యాచ్లోనే నెగ్గి 1-0 లీడ్లోకి దూసుకెళ్లింది.
ఇక ఈ టోర్నమెంట్లో చివరి గ్రూప్ పోరులో భారత్ 2-3తో చైనా చేతిలో ఓడింది. సింగిల్స్లో ప్రణయ్ 6-21, 21-18, 21-19తో వెంగ్ హాంగ్పై గెలిచి భారత్కు శుభారంభం అందించాడు. కానీ, డబుల్స్లో అర్జున్-ధ్రువ్ జోడీ 15-21, 21-19, 19-21తో చెన్ యంగ్-లీ యీ జంట చేతిలో ఓడడం వల్ల స్కోర్లు సమమయ్యాయి.
డెబ్యూ రనౌట్పై సర్ఫరాజ్ రియాక్షన్- ఇలాంటివి మామూలే అంటూ!
బౌలర్లుగా కెరీర్ స్టార్ట్- బ్యాటర్లుగా రికార్డులు- ఆ ఐదుగురు క్రికెటర్లు వీరే
