Hydrating Vegetables for Weight Loss : రోజురోజుకూ ఎండలు విపరీతంగా పెరిగిపోతున్నాయి. దీంతో.. జిమ్లో కూడా ఎక్కువ సేపు గడపలేకపోతుంటారు. బాడీ డీహైడ్రేట్ అవుతూ ఉంటుంది. కాబట్టి.. చక్కటి డైట్ పాటించాల్సి ఉంటుందని నిపుణులు సూచిస్తున్నారు. ఇందులో కొన్ని కూరగాయలు చేర్చుకోవడం ద్వారా.. ఫ్యాట్ బర్న్ అవుతుందని అంటున్నారు. మరి.. ఆ వెజిటబుల్స్ ఏంటో ఈ స్టోరీలో తెలుసుకుందాం.
టమాటాలు : వీటిలో వాటర్ కంటెంట్, విటమిన్స్, మినరల్స్, యాంటీ ఆక్సిడెంట్లు పుష్కలంగా ఉండడమే కాకుండా కేలరీలు తక్కువగా ఉంటాయి. కాబట్టి.. సమ్మర్లో వీటిని మీ డైట్లో చేర్చుకోవడం ద్వారా అందులోని పోషకాలు.. జీవక్రియ రేటును పెంచి ఫ్యాట్ బర్న్ అవ్వడంలో చాలా బాగా సహాయపడతాయంటున్నారు నిపుణులు. వెయిట్ లాస్ కోసం ఎక్సర్సైజ్లు చేసేవారు టమాటా జ్యూస్ తాగడం మంచిదని చెబుతున్నారు.
2019లో "అమెరికన్ జర్నల్ ఆఫ్ క్లినికల్ న్యూట్రిషన్‌"లో ప్రచురితమైన నివేదిక ప్రకారం.. 12 వారాలపాటు రోజుకు 2 టమాటాలు తిన్న వ్యక్తులు తమ బరువును సగటున 1.5 పౌండ్లు (0.7 కిలోలు) కోల్పోయారని తేలింది. ఈ పరిశోధనలో అమెరికాకు చెందిన ప్రముఖ పోషకాహార నిపుణుడు డాక్టర్. డానా సిమ్మోన్స్ పాల్గొన్నారు. టమాటాలు తినడం వల్ల శరీరంలో చెడు కొలెస్ట్రాల్ స్థాయిలు తగ్గడంతో పాటు బరువు తగ్గడంలో కూడా అవి సహాయపడతాయని ఆయన పేర్కొన్నారు.
ముల్లంగి : వేసవిలో హైడ్రేటింగ్ వెజిటేబుల్గా ముల్లంగి చాలా బాగా ఉపయోగపడుతుందని నిపుణులు అంటున్నారు. దీనిలోనూ వాటర్ కంటెంట్ అధికంగా ఉండడమే కాకుండా తక్కువ కేలరీలు ఉంటాయి. కాబట్టి, సమ్మర్లో బరువు తగ్గాలనుకునేవారికి.. ముల్లంగిని ఉత్తమ ఎంపికగా చెప్పుకోవచ్చంటున్నారు నిపుణులు.
క్యారెట్లు : సమ్మర్లో క్యారెట్లను మీ డైట్లో చేర్చుకోవడం ద్వారా చాలా ఆరోగ్య ప్రయోజనాలు పొందవచ్చంటున్నారు నిపుణులు. తక్కువ కేలరీలు కలిగిన ఈ వాటర్ రిచ్ ఫుడ్లో యాంటీ ఆక్సిడెంట్లు అధికంగా ఉంటాయట. అలాగే వీటిలో ఉండే ఫైబర్ ఆకలిని నియంత్రించి ఎక్కువ సేపు కడుపు నిండిన భావనను కలిగిస్తుంది. కాబట్టి, సమ్మర్లో క్యారెట్లు తినడం ద్వారా బరువును తగ్గించుకోవచ్చని నిపుణులు సూచిస్తున్నారు.
అలర్ట్ : వేగంగా బరువు తగ్గే ప్రయత్నం చేస్తున్నారా? - ఏం జరుగుతుందో తెలుసా?
క్యాప్సికం : ఇది కూడా అద్భుతమైన రుచిని అందించే మంచి హైడ్రేటింగ్ వెజిటబుల్ అని చెబుతున్నారు నిపుణులు. ఇందులో విటమిన్ ఎ, సితో పాటు వాటర్ కంటెంట్ సమృద్ధిగా ఉంటుందంటున్నారు. కాబట్టి, సమ్మర్లో క్యాప్సికంను డైట్లో చేర్చుకుంటే బరువు తగ్గించడంలో చాలా బాగా సహాయపడుతుందని నిపుణులు సూచిస్తున్నారు. వీటిని కూరల రూపంలో తీసుకోవచ్చు లేదా సలాడ్లలో పచ్చిగా తినవచ్చని చెబుతున్నారు.
వాము ఆకులు : ఇవి కూడా సమ్మర్లో బరువు తగ్గించడంలో చాలా బాగా ఉపయోగపడతాయంటున్నారు నిపుణులు. వీటిలోనూ కేలరీలు తక్కువగా ఉండి, వాటర్ కంటెంట్ ఎక్కువగా ఉంటుందట. వాము ఆకులను తురిమి సలాడ్స్, సూప్స్లలో వేసుకొని తినవచ్చు. వేసవిలో ఇవి తినడం ద్వారా మెటబాలిజం పెరిగి బరువు తగ్గడానికి అవకాశం ఉంటుందని చెబుతున్నారు నిపుణులు.
NOTE : ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
మాట్లాడుతూ వాకింగ్ చేస్తున్నారా? ఎన్ని నష్టాలో తెలుసా? ఇలా చేస్తే మంచిది!
