Tillu Cube Movie Director: టాలీవుడ్ యంగ్ హీరో సిద్ధు జొన్నలగడ్డ- మల్లిక్ రామ్ కాంబోలో తెరకెక్కిన 'టిల్లు స్క్వేర్' బాక్సాఫీస్ వద్ద మంచి విజయం సాధించింది. 'డీజే టిల్లు'కు సీక్వెల్గా తెరకెక్కిన 'టిల్లు స్క్వేర్' మూవీ మార్చి 29న రిలీజై బాక్సాఫీస్ వద్ద రూ.125+ కోట్ల వసూళ్లు అందుకుంది. ఈ క్రమంలో మూవీటీమ్ టిల్లుకు కొనసాగింపుగా మూడో పార్ట్ 'టిల్లు క్యూబ్' కూడా ఉంటుందని హింట్ ఇచ్చింది.
అయితే 2022లో వచ్చిన టిల్లు తొలి భాగం DJ టిల్లు సినిమాను విమల్ కృష్ణ తెరకెక్కించారు. ఆయనకు ఇదే తొలి సినిమా. అరంగేట్ర చిత్రంతోనే విమల్ సక్సెస్ అందుకున్నారు. ఇక రీసెంట్గా థియేటర్లలో సందడి చేసిన టిల్లు స్క్వేర్ సినిమాకు మల్లిక్ రామ్ దర్శకత్వం వహించారు. అయితే ఈ రెండింటికీ హీకో సిద్ధు కో రైటర్గా పని చేశారు. ఇక మూడో భాగం టిల్లు క్యూబ్ అనౌన్స్ చేసిన తర్వాత ఈ సినిమాకు ఎవరు దర్శకత్వం వహిస్తారు? వీరిలో ఒకరిని ఎంచుకుంటారా? లేదా కొత్త వారిని ఎంపిక చేస్తారా? అనే ప్రశ్నలు సినీలవర్స్ మదిలో మెదిలాయి. అయితే 'మ్యాడ్', 'టిల్లు స్క్వేర్' సినిమాలు ఒకే ప్రొడక్షన్ బ్యానర్ (సితారా ఎంటర్టైన్మెంట్స్) లో రూపొందడం వల్ల ఇది నిజమేనని ఫ్యాన్స్ అంటున్నారు.
ఈ నేపథ్యంలో ఓ వార్త ప్రచారంలోకి వచ్చింది. ఇటీవల సూపర్ హిట్ సాధించిన యూత్ఫుల్ ఎంటర్టైనర్ 'మ్యాడ్' (MAD) తెరకెక్కించిన కల్యాణ్ శంకర్, టిల్లు క్యూబ్కు దర్శకత్వం వహించనున్నట్లు తెలుస్తోంది. అయితే ప్రస్తుతం కల్యాణ్ మ్యాడ్- 2 అనౌన్స్ చేశారు. ఆయన ఈ మూవీ స్క్రిప్ట్ వర్క్లో బిజీగా ఉన్నారు. ఇది పూర్తైన తర్వాత కల్యాణ్, టిల్లు క్యూబ్ స్టోరీ స్టార్ట్ చేయనున్నాడని సమాచారం. అయితే ఈ సీక్వెల్కు కూడా సిద్ధు కో రైటర్గా పనిచేసే ఛాన్స్ ఉంది. కాగా డెరెక్టర్ కల్యాణ్ 2021లో మంచి విజయం సొంతం చేసుకున్న 'జాతి రత్నాలు' సినిమాకు స్క్రిప్ట్ రైటర్గా పనిచేశారు.
- " class="align-text-top noRightClick twitterSection" data="">
ఓటీటీలో టిల్లు మేనియా - స్ట్రీమింగ్ ఎక్కడంటే ? - Tillu Square OTT
