కొత్త ప్రపంచంలోకి 'తెలుగు సినిమా'- అప్​కమింగ్ సినిమాలన్నీ ఆ జానర్​లోనే!

Socio Fantasy Upcoming Movies Telugu: తెలుగు సినిమా పరిశ్రమకు అద్భుతరసం (నవరాసాల్లో ఇది ఒకటి) అనేది కొత్తదేమీ కాదు. 'కీలుగుర్రం', 'పాతాళ భైరవి' కాలం నుంచి మొదలుపెడితే, మొన్నటి 'బాహుబలి' వరకు తెలుగు సినిమాల్లో ఈ అద్భుత రసం కొనసాగుతూనే ఉంది. గతంలో 'చందమామ' బాలమిత్ర కథలకు అలవాటు పడిన ప్రేక్షకులు ఆయా పాత్రలు తెరమీద కనిపిస్తూ ఉంటే తెగ ఎంజాయ్ చేసేవారు. కాంతారావు లాంటి హీరోలు జానపద చిత్రాలకే పరిమితమై ప్రేక్షకులను ఊహలోకాల్లోకి తీసుకెళ్లేవారు. 'ఎన్​టీ రామారావు', 'ఏఎన్ఆర్', 'కాంతారావు', 'సూపర్ స్టార్ కృష్ణ', 'చిరంజీవి' సహా అందరు ఈ తరహా చిత్రాల్లో నటించి తెలుగు సినిమా పరిశ్రమ ఖ్యాతిని పెంచారు.

అయితే ఎప్పుడైతే కుటుంబ కథా చిత్రాలు, మాస్ చిత్రాలు హిట్ అవ్వడం మొదలయ్యాయో, జానపద, అద్భుతరస చిత్రాలు క్రమంగా తగ్గాయి. ఆ మధ్యలో 'జగదేకవీరుడు అతిలోకసుందరి' లాంటి సినిమాలు వచ్చినప్పటికీ, దర్శకనిర్మాతలు మళ్లీ ఆ జానర్​లో వెళ్లలేదు. ఇక యమలోకాన్ని బేస్ చేసుకొని అప్పుడప్పుడు వచ్చిన సినిమాలు ఈతరం ప్రేక్షకులకు అద్భుతరసాన్ని పరిచయం చేశాయి.

బాహుబలితో ట్రెండ్ ఛేంజ్: చాలా దశాబ్దాల తర్వాత 'బాహుబలి' సినిమా మళ్లీ జానపద చిత్రాలకు అంతర్జాతీయ ఖ్యాతి కల్పించింది. ఈ దెబ్బతో అటు తెలుగులోనే కాదు పాన్​ ఇండియా మొత్తం ఈ జానర్​ సినిమాలకే ఆసక్తి చూపింది. కంటెంట్ డిమాండే దీనికి ప్రధాన కారణంగా చెప్పాలి. సినిమా బడ్జెట్​తో పాటు, సాంకేతిక నిర్మాణ విలువలు పెరగడం కూడా దీనికి మరో కారణంగా చెప్పవచ్చు. అటు హాలీవుడ్ లో కూడా వార్నర్ బ్రదర్స్ లాంటి సంస్థలు మార్వెల్ కామిక్స్ పేరిట అద్భుతమైనటువంటి పాత్రలను సృష్టించి సూపర్ హీరో పాత్రలకు కొత్త అర్థాన్ని ఇచ్చాయి.

స్టార్లందరిదీ సూపర్ హీరో మంత్రమే: 'బాహుబలి' తర్వాత తెలుగులో చారిత్రక నేపథ్యం ఉన్న చిత్రాలు ఎక్కువయ్యాయి. హీరోలు కూడా చారిత్రక పాత్రలో నటించేందుకు ఆసక్తి చూపించారు. అల్లు అర్జున్ 'గోన గన్నారెడ్డి', నందమూరి బాలకృష్ణ 'గౌతమీపుత్ర శాతకర్ణి', చిరంజీవి 'సైరా నరసింహారెడ్డి', కల్యాణ్ రామ్ 'బింబిసార' ఇలా టాలవుడ్ స్టార్లు ఛాలెంజింగ్ పాత్రల్లో నటించి సక్సెస్ అయ్యారు. ఇక ఈ జానర్​లోనే రీసెంట్​గా ప్రశాంత్ వర్మ తెరకెక్కించిన 'హనుమాన్' చిత్రం కూడా మంచి విజయం అందుకుంది.

ప్రస్తుతం టాలీవుడ్​లో చిరంజీవి 'విశ్వంభర', ప్రశాంత్ వర్మ 'జై హనుమాన్', ప్రభాస్ 'కల్కి', కోలీవుడ్ స్టార్ సూర్య 'కంగువా' ఈ తరహాలోనే తెరకెక్కుతున్నాయి. ఇక యంగ్ హీరో విశ్వక్​సేన్ ఇటీవలే 'అఘోరా' ప్రకటించారు. ఈ సినిమా కూడా మహాభారతం రిఫరెన్స్‌తో తెరకెక్కనున్న సోషియో ఫాంటసీ అని టాక్. అఖిల్ అక్కినేని యూవీ క్రియేషన్స్, హోంబలే ఫిల్మ్స్ బ్యానర్లపై ఇదే సోషియో ఫాంటసీ జానర్​లో ఓ సినిమా చేయనున్నట్లు తెలుస్తోంది. మరోవైపు అల్లుఅర్జున్- త్రివిక్రమ్ కాంబోలో కమర్షియల్ ఫార్ములా కాకుండా సోషియో ఫ్యాంటసీ జానర్​లో ఓ సినిమా రానున్నట్లు ఇన్​సైడ్ టాక్.

• " class="align-text-top noRightClick twitterSection" data="">

మోస్ట్​ బ్యూటిఫుల్​ సౌత్​ హీరోయిన్లు.. Chat ​​GPT క్రేజీ ఆన్సర్​.. ఏం చెప్పిందో తెలుసా?