Rowdy Inspector Movie Story : ఇండస్ట్రీలో ఒక్కో సినిమాకు ఒక్కో హిస్టరీ ఉంటుంది. ఓ స్క్రిప్ట్ను తెరకెక్కిద్దామని అనుకున్న డైరెక్టర్ అందులో కొంత మందిని పెట్టి తీస్తే బాగుంటుందని అనుకుని తొలుత వారిని అప్రోచ్ అవుతుంటారు. అయితే ఆ తర్వాత మరోకరిని పెట్టి సినిమా తీస్తుంటారు. అలా పలు సినిమాలకు హీరో, హీరోయిన్, సపోర్టింగ్ రోల్స్ ఇలా అన్నీ మారుతుంటాయి. ఇలాంటి ఘటనే మెగాస్టార్ చిరంజీవి, నటసింహం బాలయ్య మధ్య జరిగింది. కొన్ని కారణాల వల్ల ఒకరు వద్దనకున్న వద్దనుకున్న కథతో మరొకరు హిట్ కొట్టారట. ఇంతకీ ఆ సినిమా ఏంటంటే?
1992లో విడుదలైన 'రౌడీ ఇన్స్పెక్టర్' సినిమా ఎంతటి విజయం సాధించిందో ప్రత్యేకంగా చెపనక్కర్లేదు. టాలీవుడ్ సీనియర్ డైరెక్టర్ బి. గోపాల్ తెరకెక్కించిన ఈ సినిమాలో నందమూరి బాలకృష్ణ, విజయశాంతి లీడ్ రోల్స్లో మెరిశారు. అయితే ఈ సినిమాను మొదట మెగాస్టార్ చిరంజీవితో తీయాలని డైరెక్టర్ భావించారట. హీరోకు కథను కూడా వినిపించారు. ఇక చిరంజీవికి కూడా ఈ స్టోరీ బాగా నచ్చిందట. కానీ కాల్షిట్లు లేకపోవడం వల్ల చిరు డైరెక్టర్కు నో చెప్పారట. దీంతో ఆ తర్వాత ఈ స్టోరీని బాలయ్యకు వినిపించారు డైరెక్టర్ గోపాల్. ఇక బాలయ్యకు ఈ సినిమా బాగా నచ్చిందట. దీంతో ఆయన ఓకే చెప్పారు.
- " class="align-text-top noRightClick twitterSection" data="">
ఇక ఈ సినిమా బాక్సాఫీస్ వద్ద హిట్ టాక్ అందుకుని అనేక రికార్డులను బద్దలకొట్టింది. అలా చిరు ఖాతాలో పడాల్సిన హిట్ బాలయ్య బాబు ఖాతాలో పడిపోయింది. అయితే ఈ మూవీ చూసిన తర్వాత చాలా మంది ఆ రోల్ బాలయ్యకే బాగా సెట్ అయ్యిందని అన్నారు. ఆ పాత్రలో ఆయన నటించిన తీరు అందర్నీ ఆకట్టకుంది.
ఇక బాలకృష్ణ - బి.గోపాల్ కాంబినేషన్లో టాలీవుడ్లో ఎన్నో సూపర్ హిట్ సినిమాలు వచ్చాయి. 'లారీ డ్రైవర్', 'రౌడీ ఇన్ స్పెక్టర్', 'సమరసింహారెడ్డి', 'నరసింహనాయుడు' వంటి బ్లాక్ బస్టర్ హిట్స్ ఉండగా, 'పల్నాటి బ్రహ్మనాయుడు' ఆశించిన స్థాయిలో టాక్ అందుకోలేకపోయింది.
'అఖండ 2' బిగ్ లీక్ - నందమూరి ఫ్యాన్స్కు పూనకాలు లోడింగ్!
