RC 17 Rajamouli : రామ్ చరణ్ సుకుమార్ కాంబినేషన్లో వచ్చిన రంగస్థలం ఎంతటి బ్లాక్ బస్టర్ అయిందో తెలిసిన విషయమే. రామ్ చరణ్లోని అసలు నటుడు అప్పుడే బయటకు వచ్చాడని ప్రేక్షకుల అభిప్రాయం కూడా. అయితే వీరిద్దరి కాంబోలో మరో సినిమా రాబోతుందన్న సంగతి తెలిసిందే. ప్రస్తుతం అంతటా దీని గురించే చర్చ నడుస్తోంది.
అయితే ఈ నేపథ్యంలో రాజమౌళి ఈ మూవీ గురించి మాట్లాడిన ఓ వీడియో ఒకటి ఇప్పుడు మళ్లీ వైరల్ అవుతోంది. ఆ వీడియోలో రాజమౌళి RC17 సినిమా గురించి మాట్లాడుతూ ఆ సినిమాలో వచ్చే మొదటి ఐదు నిమిషాలు ప్రేక్షకుడి కళ్లు చెదిరిపోయేలా ఉంటాయని అన్నారు. థియేటర్లో సీటుకు ప్రేక్షకులు అతుక్కుపోతారని చెప్పారు. ఆ వీడియోలో రాజమౌళి ఇలా చెపుతుంటే రామ్ చరణ్ కూడా అంతే ఉత్సాహంగా నవ్వుతూ ఆ సినిమాపై అభిమానులకు భారీ అంచనాలు పెట్టుకునేలా చేశారు.
మరోవైపు ఈ సినిమాపై జక్కన్న తనయుడు కార్తికేయ కూడా సోషల్‌ మీడియాలో పోస్ట్ పెట్టారు. ఆర్‌ఆర్‌ఆర్‌ క్లైమాక్స్‌ షూటింగ్ సమయంలో సుకుమార్‌తో సినిమా చేయబోతున్నట్లు రామ్ చరణ్ చెప్పడం, ఆ సినిమాలో ఓపెనింగ్‌ సీన్ గురించి వివరించడం, అది ఐదు నిమిషాల పాటు అద్భుతంగా ఉంటుందని చెప్పడం వంటివి చూపించారు.
ఇకపోతే ఈ సినిమాకు సంబంధించి మార్చి 25న ఆ చిత్రాన్ని నిర్మిస్తున్న నిర్మాణ సంస్థ మైత్రి మూవీ మేకర్స్ ఓ ఫొటోను పోస్ట్ చేసింది. సుకుమార్, రామ్ చరణ్ రంగులు పూసుకుంటున్న ఫోటోతో పాటు రెండు గుర్రాలు ఉన్న పోస్టర్ను కూడా షేర్ చేసింది. వీరిద్దరి మొదటి సినిమాను కూడా నిర్మించింది మైత్రి మూవీ మేకర్సే. సంగీతం అందించింది దేవి శ్రీ ప్రసాద్. ఇప్పుడు మళ్లీ ఆ సినిమాకు పనిచేసిన టీం మొత్తం ఈ సినిమాకు రిపీట్ అవుతుందని తెలుస్తోంది. దీంతో అభిమానులు ఈ సినిమా రంగస్థలంకు మించి సక్సెస్ సాధిస్తుందని ఎంతో నమ్మకం పెట్టుకున్నారు.
కాగా, ప్రస్తుతం రామ్ చరణ్ గేమ్ ఛేంజర్ సినిమా షూటింగ్లో బిజీగా గడుపుతున్నారు. సుకుమార్ కూడా పాన్ ఇండియా హిట్ అయిన పుష్ప సినిమా రెండో భాగం పుష్ప 2 షూటింగ్లో బిజీగా ఉన్నారు. గేమ్ ఛేంజర్ తర్వాత రామ్ చరణ్ RC16 సినిమా కోసం ఉప్పెన ఫేమ్ బుచ్చిబాబుతో పని చేయనున్నారు.
-
The Opening Sequence of #RC17 is one of the most Hard Hitting 💥💥 The Audience Will Quiver in their seats when they see it 🥵🔥
— Navya (@HoneYNavya_) March 25, 2024
SS Rajamouli is the Biggest Hype Man For #Sukku #RamCharan Combo 🙌❤️🔥#Raring2Conquer @AlwaysRamCharan pic.twitter.com/OJ8TewzzYo
ఓం భీమ్ బుష్ - బాక్సాఫీస్ ముందు ఊతకొట్టుడే! - OM BHEEM BUSH COLLECTIONS
కృష్ణ - నగ్మాల మధ్య బికినీ తెచ్చిన తంట - ఈ వివాదం తెలుసా? - Nagma Bikini controversy
