Ranbir Kapoor Saipallavi Ramayan Movie Budget : ప్రస్తుతం ఇండియన్ సినిమా ఇండస్ట్రీలో పాన్ ఇండియా చిత్రాల హవా నడుస్తున్న సంగతి తెలిసిందే. చాలా మంది నిర్మాతలు, నటీనటులు, దర్శకులు ఇండియన్ సినిమాను ప్రపంచ స్థాయికి తీసుకెళ్లడానికి బాగా శ్రమిస్తున్నారు. అందుకు తగ్గట్టుగానే దాదాపు అన్నీ సినిమాలు భారీ బడ్జెట్తో తెరకెక్కుతున్నాయి. అలానే వాటిలో కొన్ని సంచలన విజయాలను అందుకుంటున్నాయి. అయితే ఇప్పటి వరకు ఇండియన్ సినిమాలో రూ.100, రూ.200, రూ.500 కోట్ల వరకు బడ్జెట్ విన్నాం కానీ అంతకన్నా ఎక్కువగా వినలేదు. కానీ రణ్బీర్, సాయిపల్లవి కలిసి నటిస్తున్న 'రామాయణ్' కోసం ఏకంగా రూ.1000 కోట్ల వరకు బడ్జెట్ పెడుతున్నారని ఆ మధ్య వార్తలు వచ్చాయి. దీంతో పాటే ఈ చిత్రం దాదాపు మూడు భాగాలుగా రావొచ్చని కూడా అన్నారు.
అయితే ఇప్పుడు మరో షాకింగ్ విషయం బయటకు వచ్చింది. అదేంటంటే ఈ సినిమా బడ్జెట్ రూ.835 కోట్లు అని తెలిసింది. అది కూడా కేవలం తొలి భాగాన్ని తెరకెక్కించడం కోసమట. ప్రస్తుతం ఈ విషయం చర్చనీయాంశంగా మారింది. కేవలం ఒక్క భాగం కోసమే అన్ని వందల కోట్లు అంటే మరి సినిమా మొత్తం పూర్తయ్యేసరికి ఎంత అవుతుందనేది ఊహించడం కూడా కష్టంగా మారింది.
పైగా ఈ మూవీ షూటింగ్ కూడా 600 రోజులనే పూర్తి చేస్తారట. మరి వైరల్ అవుతున్న ఈ బడ్జెట్, షూటింగ్ టైమ్ విషయాల్లో ఎంత వరకు నిజముందో తెలీదు కానీ అందరూ దీని గురించే తెగ చర్చించుకుంటున్నారు. ఒకవేళ ఇదే కనుక నిజమైతే ఇండియన్ సినిమా ఇండస్ట్రీలో ఇదే అత్యంత భారీ బడ్జెట్ కాస్ట్లీ ఫిల్మ్ అవుతుంది.
మరోవైపు రీసెంట్గా షూటింగ్ ప్రారంభించుకున్న ఈ సినిమా 2025లోనే విడుదల అవుతుందని మొదట అన్నారు. కానీ ఇప్పుడు 2027 అని అంటున్నారు. ఈ లెక్కన చూస్తే 600 రోజులకుపైగానే షూటింగ్ జరుపుకుంటోంది.
ఇక ఈ చిత్రంలో రాముడిగా రణ్బీర్ కపూర్, సీతగా సాయిపల్లవి నటిస్తున్నారు. హనుమంతుడిగా సన్నీ దేఓల్ కనిపించనున్నారు. నితీశ్ తివారి తెరకెక్కిస్తున్న ఈ సినిమాకు కేజీయఫ్ రాకింగ్ స్టార్ యశ్ సహా నిర్మాతగా వ్యవహరిస్తున్నారు.
మరో హాలీవుడ్‌ సినిమాలో ఛాన్స్ కొట్టేసిన టబు - Tabu Hollywood Film
