Pushpa 2 Release Competition: ఐకాన్ స్టార్ అల్లు అర్జున్- సుకుమార్ కాంబోలో తెరకెక్కుతున్న పుష్ప- 2 (ది రూల్) చివరకు ఆగస్టు 15న గ్రాండ్గా రిలీజ్ కానున్నట్లు మేకర్స్ ఇప్పటికే ప్రకటించారు. పుష్ప పార్ట్- 1 (ది రైజింగ్) పాన్ ఇండియాలో స్థాయిలో భారీ విజయాన్ని అందుకోవడం వల్ల ఈ సీక్వెల్పై అంచనాలు పీక్స్లో ఉన్నాయి. తొలి పార్ట్కు దాదారు రూ.300+ కోట్లపై కలెక్షన్లు సాధించిన ఈ సినిమా, సీక్వెల్కు రూ.500+ కోట్లు దాటవచ్చని ట్రేడ్ వర్గాల అంచనా.
అయితే పుష్పకు బాక్సాఫీస్ వద్ద పోటీ ఎక్కువగానే ఉండేలా ఉంది. అగస్టు 15డేట్ను లాక్ చేసుకునేందుకు పలు సినిమాలు రెడీ అవుతున్నాయి. ఇప్పటికే బాలీవుడ్లో అజయ్ దేవ్గన్ 'సింగం అగైన్' సినిమా ఆగస్టు 15నే రిలీజ్ కానుంది. ఇక ఈ జాబితాలో జూనియర్ ఎన్టీఆర్- కొరటాల శివ 'దేవర పార్ట్- 1'తోపాటు కోలీవుడ్ నుంచి 'ఇండియన్ 2', 'కంగువ', 'వెట్టయన్' చిత్రాలు కూడా ఆగస్టు 15 మీదే కన్నేశాయి. మరోవైపు నేచురల్ స్టార్ నాని కూడా 'సరిపోదా శనివారం' ఆగస్టు 15నే వచ్చేలా ప్లాన్ చేస్తున్నారట.
అయితే ఇంతమంది స్టార్ల సినిమాలు ఒకేసారి రిలీజైతే థియేటర్లు అడ్జెస్ట్ అవ్వడం కష్టం. ఈ నేపథ్యంలోనే పుష్పరాజు రూల్ నడుస్తుందా లేదా అన్నది కూడా చర్చగా మారింది. ఎందుకంటే పుష్ప తెలుగులో కన్నా కూడా హిందీలో భారీ విజయం సొంతం చేసుకుంది. నిజానికి పుష్ప మూవీ తెలుగులో మంచి టాక్ తెచ్చుకున్నప్పటికీ కరోనా కారణంగా అనుకున్న స్థాయిలో జనాలు థియేటర్లకు రాలేదు. కొవిడ్ కారణంగా పుష్ప కు తెలుగు రాష్ట్రాల్లో ఊహించిన రేంజ్ కలెక్షన్లు దక్కలేదు. కానీ, అనూహ్యంగా ఈ సినిమా హిందీలో అద్భుతమైన విజయం సాధించింది. అల్లు అర్జున్ను జాతీయస్థాయిలో ఉత్తమ నటుడిగా నిలపడంలో పుష్ప సినిమా హిందీలో సాధించిన విజయమే ఒక కారణంగా చెప్పవచ్చు.
ఈ క్రేజ్ను దృష్టిలో పెట్టుకొని దర్శకుడు సుకుమార్ 'పుష్ప- 2'పై స్పెషల్ ఫోకస్ పెట్టాడు. పుష్ప విడుదలై 2సంవత్సరాలు దాటిపోయింది. దీంతో అల్లు అర్జున్ అభిమానులు సైతం ఈ సినిమాపై ఆత్రుతగా ఎదురుచూస్తున్నారు. అయితే డైరెక్టర్ సుకుమార్ మాత్రం నార్త్ ఆడియెన్స్ను దృష్టిలో ఉంచుకొని కథలో కొన్ని మార్పులు సైతం చేస్తున్నట్లు తెలుస్తోంది. దర్శకుడు ప్రశాంత్ ప్రశాంత్ నీల్ 'కేజిఎఫ్-2'తో ఎలాగైతే రూ.1000 కోట్ల క్లబ్లో చేరాడో అదే రేంజ్లో పుష్ప- 2ను తెరకెక్కిస్తున్నట్లుగా తెలుస్తోంది.
అయితే అదే రోజు బాలీవుడ్లోనూ పెద్ద హీరోల సినిమాలు రిలీజైతే పుష్పకు స్ట్రీన్లు తక్కువయ్యే ఛాన్స్ ఉంటుంది! ఈ ప్రభావం కలెక్షన్లపై పడే అవకాశం ఉంది. కంటెంట్లో సత్తా ఉంటే సినిమాను ప్రేక్షకులు ఎలా ఆదరిస్తారో రీసెంట్గా 'హను-మాన్' నిరూపించింది. అయితే రెండేళ్ల కింద విజయ్ 'బీస్ట్', 'కేజీఎఫ్- 2' సినిమా ఒక్కరోజు గ్యాప్లో రిలీజ్ అయ్యాయి. అయినప్పటికీ 'కేజీఎఫ్- 2' కలెక్షన్ల సునామీ సృష్టించింది. ఈ భరోసాతో పుష్ప- 2 నిర్మాతలు ఆగస్టు 15న సినిమాను విడుదల చేసేందుకు సిద్ధం అవుతున్నారు.
- " class="align-text-top noRightClick twitterSection" data="">
వామ్మో 'పుష్ప 2' బడ్జెట్ అంత పెరిగిందా? - ఏకంగా ఎన్ని కోట్లంటే?
'పుష్ప'గాడే కింగ్ - ఈ భారీ సినిమాల ఓవర్సీస్ రైట్స్ ఎన్ని కోట్లంటే?
