Premalu OTT Records: మలయాళ సూపర్ హిట్ మూవీ 'ప్రేమలు' ఓటీటీలోనూ రికార్డు స్థాయిలో దూసుకుపోతోంది. ప్రముఖ ఓటీటీ ప్లాట్ఫామ్ ఆహా లో స్ట్రీమింగ్ అవుతున్న ఈ సినిమా తాజాగా మరో ఘనత అందుకుంది. గతనెల ఓటీటీలో అందుబాటులోకి వచ్చిన ప్రేమలు ఇప్పటివరకు 125 మిలియన్ స్ట్రీమింగ్ మినిట్స్తో కొత్త రికార్డు అందుకుంది. ఒక మలయాళ డబ్బింగ్ సినిమా ఈ రేంజ్లో స్ట్రీమింగ్ అవ్వడం ఓ ఘనత. ఈ క్రమంలో ఓటీటీలో అత్యధిక నిమిషాలు స్ట్రీమింగ్ అయిన మలయాళ సినిమాగా రికార్డు సృష్టించింది.
ఇక కామెడీ, ఫీల్గుడ్ లవ్స్టోరీ నో యాక్షన్, జీరో ఫైట్ సీన్స్తో తెరెకక్కిన ఈ సినిమాకు యువత నుంచి భారీ రెస్పాన్స్ లభించింది. దీంతో ఈ సినిమాను తెలుగులోకి డబ్బింగ్ చేసి విడుదల చేశారు. ఇక్కడ కూడా ప్రేమలు మంచి విజయం దక్కించుకుంది. ఈ సినిమాకు 90's బయోపిక్ వెబ్ సిరీస్ డైరెక్టర్ ఆదిత్య హాసన్ డైలాగ్స్ రాశారు. దీంతో తెలుగు ఆడియెన్స్కు ఈ సినిమా మరింత కనెక్ట్ అయ్యింది. చిన్న సినిమాగా కేవలం రూ.9 కోట్ల బడ్జెట్తో రూపొందిన ప్రేమలు వరల్డ్వైడ్గా రూ.100+ కోట్లు వసూల్ చేసింది.
ఈ సినిమాను గిరీశ్ ఏడి తెరకెక్కించారు. విష్ణు విజయ్ సంగీంతం అందించిన ఈ సినిమాను దర్శకధీరుడు రాజమౌళి కుమారుడు కార్తికేయ తెలుగులో రిలీజ్ చేశారు. ఇక ఈ మూవీలో నస్నెన్ కే గఫార్, మమితా బైజు, శ్యామ్ మోహన్, మీనాక్షీ రవీంద్రన్, అఖిలా భార్గవన్, అల్తాఫ్ సలీమ్, మ్యాథ్యూ థామస్, సంగీత్ ప్రతాప్ తదితరులు నటించారు.
ఒక్క సినిమాతో ఫుల్ ఫేమస్
యూత్‌ఫుల్ లవ్ స్టోరీస్లో చాలా వరకు ఇదే స్టోరీ ఉంటుంది. ఓ మాస్ అబ్బాయి, ఓ క్లాస్ అమ్మాయిని లవ్ చేస్తాడు. కానీ తొలుత వాళ్ల లవ్ ట్రాక్ నడవదు. ఆ తర్వాత అదే స్టోరీలో ఎన్నో ట్విస్ట్లు వస్తుంటాయి. ప్రేమలు కూడా అలాంటి స్టోరీనే. కానీ ఇందులో హీరో హీరోయిన్ల నటన సినిమాకే ప్లస్ పాయింట్గా నిలిచింది. ముఖ్యంగా హీరోయిన్ మమితా బైజు ఈ చిత్రానికే స్పెష‌ల్ అట్రాక్ష‌న్‌గా నిలిచింది. రీనూ పాత్ర‌లో ఆమె ఇట్టే ఒదిగిపోయింది. తన యాక్టింగ్, డ్రెస్సింగ్ స్టైల్కు యూత్ ఫిదా అయిపోయారు. ఎక్కడ చూసిన ఈమె గురించే టాక్ నడుస్తోంది.
- " class="align-text-top noRightClick twitterSection" data="">
ఒళ్లు గగ్గుర్పొడిచే ఈ రెండు సీన్లు చూశారా - ఇప్పుడందరూ దీని గురించే చర్చ! - Manjummel Boys OTT
ఈ వారం OTTలోకి 15 సినిమాలు - ఆ భారీ బ్లాక్ బస్టర్ మూవీ కూడా! - This Week OTT Releases
