Kalki AD 2898 Release Date: పాన్ ఇండియా స్టార్ ప్రభాస్ లీడ్ రోల్లో నటిస్తున్న 'కల్కి 2898 ఏడీ' సినిమా రిలీజ్ డేట్ గురించి మళ్లీ సోషల్ మీడియాలో జోరుగా ప్రచారం సాగుతోంది. అయితే మే 9న సినిమా గ్రాండ్గా రిలీజ్ కానున్నట్లు మేకర్స్ ఇదివరకే ప్రకటించినా, పలు కారణాల వల్ల కల్కి వాయిదా పడనుందని కొన్ని రోజులుగా వార్తలు వస్తున్నాయి. ఈ క్రమంలో మూవీ రిలీజ్ గురించి తాజాగా మరోవార్త సోషల్ మీడియాలో చక్కర్లు కొడుతోంది.
ఈ సినిమా మేకర్స్ ఇటీవల డిస్టిబ్యూర్లతో సమావేశమయ్యారట. ఈ మీటింగ్లోనే రిలీజ్ డేట్ గురించి ఓ క్లారిటీకి వచ్చారని తెలుస్తోంది. ఈ క్రమంలో మేకర్స్ సినిమా విడుదలను జూన్ 27కి షిఫ్ట్ చేశారని అంటున్నారు. దీంతో మూవీమేకర్స్ జూన్ 27 తేదీని లాక్ చేసుకున్నట్లు సమాచారం. ఇక దీనిపై శనివారం (ఎప్రిల్ 27)న క్లారిటీ వచ్చే ఛాన్స్ ఉన్నట్లు తెలుస్తోంది. కానీ, సినిమా వాయిదా గురించి కానీ, కొత్త రిలీడ్ డేట్ గురించి కానీ మూవీ యూనిట్ ఇప్పటివరకు ఎలాంటి ప్రకటన చేయలేదు.
యానిమేటెడ్ వీడియో
అయితే 'కల్కి 2898 AD' సినిమా ఎలా ఉంటుంది? సైన్స్ ఫిక్షన్ జానర్ అంటే ఏంటి? ఈ అంశాలపై ఓ అవగాహన కల్పించేలా సినిమా థియేటర్లలోకి రాకముందు ఓటీటీలో ప్రీల్యూడ్ వీడియో రిలీజ్ చేయనున్నారు. ఇది యానిమేటెడ్ వీడియో. ఇందులో ప్రభాస్ క్యారెక్టర్కు సొంతంగా ఆయనే డబ్బింగ్ చెప్పుకున్నారంట. ఈ వీడియో నెట్ఫ్లిక్స్లో రిలీజ్ చేసే ఛాన్స్ ఉన్నట్లు తెలుస్తోంది. ఇక ముందుగా సినిమా టీజర్, తర్వాత పాటలు, ఆ తర్వాత ట్రైలర్ రిలీజ్ చేసి చివరగా ఈ ప్రీల్యూడ్ వీడియో విడుదల చేయనున్నారు.
డైరెక్టర్ నాగ్ అశ్విన్ ఈ సినిమాను సైన్స్ ఫిక్షన్ జానర్లో ప్రతిష్ఠాత్మకంగా తెరకెక్కిస్తున్నారు. వైజయంతి మూవీస్ బ్యానర్పై అశ్వినీ దత్ ఈ సినిమాను నిర్మిస్తున్నారు. ప్రభాస్ సరసన బాలీవుడ్ బ్యూటీ దీపికా పదుకొణె నటిస్తోంది. దీశా పటనీ, బిగ్ బీ అమితాబ్ బచ్చన్, కమల్ హాసన్ తదితరులు కీలక పాత్రలు పోషిస్తున్నారు. మరోవైపు ప్రభాస్ మారుతి 'రాజాసాబ్' సినిమా షూటింగ్లతో బిజీగా ఉన్నారు. ఇక సలార్ పార్ట్- 2 షూటింగ్ కూడా త్వరలో ప్రారంభం కానుంది. 2025లో సినిమా థియేటర్లలోకి రానున్నట్లు మేకర్స్ తెలిపారు.
- " class="align-text-top noRightClick twitterSection" data="">
'కల్కి' రూమర్స్కు చెక్- రిలీజ్పై క్లారిటీ ఇవ్వనున్న మూవీటీమ్! - Kalki 2898 Ad Release
