Mahesh Babu Instagram Post : 'గుంటూరు' కారం తర్వాత తన నెక్స్ట్ ప్రాజెక్టులపై ఫోకస్ పెట్టారు టాలీవుడ్ సూపర్స్టార్ మహేశ్ బాబు. అయితే తాజాగా జర్మనీకి వెళ్లిన ఆయన అక్కడ ఓ డాక్టర్ పర్యవేక్షణలో తన ఫిట్నెన్ను మెయిన్టెయిన్ చేస్తున్నారని వెల్లడించారు. దీనికి సంబంధించిన ఫొటోలను కూడా మహేశ్ ఇటీవలే షేర్ చేశారు. ఇదిలాఉండగా తాజాగా మహేశ్ మరో ఇంట్రెస్టింగ్ ఫొటోలను తన అభిమానులతో పంచుకున్నారు.
జర్మనీలోని బాడెన్ అనే ప్రాంతంలో మహేశ్, తన ఫిట్నెస్ డాక్టర్ కోనిగ్తో కలిసి బ్లాక్ ఫారెస్ట్ పర్వతంపై ట్రెక్కింగ్ చేశారు. "గడ్డ కట్టించే చలిలో డాక్టర్ హ్యారీ కోనిగ్తో కలిసి బ్లాక్ ఫారెస్ట్లో ట్రెక్కింగ్ చేశాను" అంటూ మహేశ్ దీనికి సంబంధించిన ఫొటోలను సోషల్ మీడియాలో షేర్ చేసుకున్నారు. దీని చూసిన అభిమానులు మహేశ్ సాహసాలకు మెచ్చుకుంటున్నారు.
మరోవైపు ఈ పోస్ట్పై మహేశ్ సతీమణి నమత్ర శిరోద్కర్ కూడా కామెంట్ చేశారు. 'నిన్ను ఎంతో మిస్సవుతున్నా' అంటూ రాసుకొచ్చారు. ప్రస్తుతం ట్రెక్కింగ్ ఫొటోలతో పాటు నమ్రత కామెంట్ నెట్టింట తెగ ట్రెండ్ అవుతోంది. ఇప్పటికే రాజమౌళి డైరెక్షన్లో తెరకెక్కనున్న మూవీ పట్టాలెక్కనున్నట్లు వార్తలొచ్చాయి. దీంతో మహేశ్ ఇప్పుడు ఆ సినిమా కోసం ఇలా కసరత్తులు చేస్తున్నారేమో అంటూ ఫ్యాన్స్ అభిప్రాయపడుతున్నారు. 'SSMB 29' అప్డేట్స్ కోసం తీవ్రంగా ఎదురుచూస్తున్నారు.
SSMB 29 Shooting : అయితే తాజాగా SSMB 29 షూటింగ్కు సంబంధించి ఓ న్యూస్ వైరల్గా మారింది. 2024 ఏప్రిల్ 9 ఉగాది పండగ రోజున మహేశ్- రాజమౌళి ప్రాజెక్ట్ అఫీషియల్గా లాంఛ్ కానున్నట్లు తెలుస్తోంది. అంతే కాకుండా ఈ వేసవిలోనే సినిమా సెట్స్పైకి వెళ్లనుందట. ఇక రెండేళ్లలోపే షూటింగ్ కంప్లీట్ చేసి 2026 ఉగాదికి రిలీజ్ చేయడానికి ప్లాన్ చేస్తున్నట్లు ఇన్సైడ్ టాక్. అయితే ఈ విషయం గురించి ఎలాంచి అధికారిక సమాచారం లేదు. కానీ, ఇప్పటికే కేఎల్ నారాయణ సినిమా ప్రొడ్యుసర్గా కన్ఫార్మ్ అయినట్లు తెలుస్తోంది. మరోవైపు ప్రముఖ నిర్మాత దిల్రాజు కూడా సినిమా హక్కుల కోసం ట్రై చేస్తున్నట్లు టాక్.
