Jawan Television Premiere: బాలీవుడ్ బాద్షా షారుక్ ఖాన్- అట్లీ కాంబోలో తెరకెక్కిన జవాన్ బాక్సాఫీస్ వద్ద ఘన విజయం సాధించింది. గతేడాది సెప్టెంబర్ 7న గ్రాండ్గా రిలీజైన ఈ సినిమా కాసుల వర్షం కురిపించింది. వరల్డ్వైడ్గా దాదాపు రూ.1148కోట్ల వసూళ్లు సాధించింది. దీంతో బాద్షా కెరీర్లో అత్యధిక వసూళ్లు సాధించిన సినిమాగా జవాన్ నిలిచింది.
ఇక షారుక్ బర్త్డే సందర్భంగా 2023 నవంబర్ 2 నుంచి ఓటీటీలో స్ట్రీమింగ్ అవుతోంది. ప్రముఖ ఓటీటీ వేదిక నెట్ఫ్లిక్స్ ఈ సినిమా డిజిటల్ రైట్స్ దక్కించుకుంది. ఇక జవాన్ ఓటీటీలోనూ పలు రికార్డులు బ్రేక్ చేసింది. ఓటీటీలో రిలీజైన గంటల్లోనే రికార్డు స్థాయి వ్యూస్ సొంతం చేసుకుంది. ఇక ఇప్పుడు టెలివిజన్లో సందడి చేసేందుకు జవాన్ రెడీ అవుతోంది.
తెలుగులో ఈ సినిమా శాటిలైట్ హక్కులు హక్కులు జీ తెలుగు ఛానెల్ దాదాపు రెండు నెలల కిందటే దక్కించుకుంది. కానీ, అప్పటినుంచి కమిన్ సూన్ అంటూ ఊరిస్తూ వచ్చింది. ఇక తాజాగా తొలి ప్రమీయర్ డేట్ను అనౌన్స్ చేశారు. జవాన్ మార్చి 17న సాయంత్రం 5.30 గంటలకు టీవీలో ప్రసారం కానున్నట్లు జీ తెలుగు చెప్పింది. ఇక థియేటర్లలో, ఓటీటీలో రికార్డులు క్రియేట్ చేసిన జవాన్ టెలివిజన్లో కూడా అదరగొడుతుందని ఫ్యాన్స్ ఆశిస్తున్నారు.
ఇక ఈ సినిమాలో షారుక్కు జోడీగా కోలీవుడ్ లేడీ సూపర్స్టార్ నయనతార నటించింది. బాలీవుడ్ బ్యూటీ దీపికా పదుకొణె గెస్ట్ రోల్ చేసింది. సీనియర్ నటుడు విజయ్ సేతుపతి విలన్ రోల్లో నటించి ఆకట్టుకున్నారు. మ్యూజిక్ సంచలనం అనిరుధ్ రవిచంద్రన్ ఈ సినిమాకు సంగీతం అందించగా, రెడ్ చిల్లీస్ ఎంటర్టైన్మెంట్స్ బ్యానర్పై జవాన్ రూపొందింది.
ఏడాదిలో రెండుసార్లు: గతేడాది ఫిల్మ్ ఇండిస్ట్రీలో షారుక్కు బాగా కలిసొచ్చిందనే చెప్పాలి. ఒకే ఏడాదిలో ఏకంగా రెండుసార్లు రూ.1000 కోట్ల మార్క్ను అందుకున్నారు. 2023 జనవరిలో విడుదలైన 'పఠాన్' సినిమా కూడా బాక్సాఫీస్ వద్ద కలెక్షన్ల సునామీ సృష్టించింది. ఈ సినిమా ప్రపంచవ్యాప్తంగా రూ. 1050.30 కోట్ల వసూళ్లు సాధించగా, జవాన్ 1148కోట్ల కలెక్షన్లు వసూల్ చేసింది.
- " class="align-text-top noRightClick twitterSection" data="">
ఒకే రోజు 3సార్లు పెళ్లి- బాలీవుడ్ బాద్ షా మ్యారేజ్ స్టోరీ తెలుసా?
'షారుక్ దగ్గర 17 ఫోన్లు' - షాకింగ్ విషయాలు రివీల్ చేసిన ఫ్రెండ్
