Shah Rukh Khan Marriage Story: బాలీవుడ్ బాద్షా షారుక్ ఖాన్ది లవ్ మ్యారేజ్ అన్న సంగతి అందరికీ తెలిసిందే. ఆయన తన ప్రేయసి గౌరీ ఖాన్ను 1991లో వివాహం చేసుకున్నారు. అయితే ఈ జంట మూడు సార్లు పెళ్లి చేసుకున్నారన్న విషయం ఎంత మందికి తెలుసు? అవునండి ఇది నిజమే. షారుక్ తన భార్య గౌరీ ఖాన్ను మూడుసార్లు పెళ్లి చేసుకున్నారు. ఈ విషయాన్ని స్వయంగా ఆయన స్నేహితుడు, నిర్మాత వివేక్ వాస్వానీ ఈ మధ్య ఓ సందర్భంలో దీని గురించి చెప్పారు. మరి ఈ విషయం వెనుకున్న కథేంటంటే?
షారుక్ భార్య గౌరీ పంజాబీ కుటుంబానికి చెందిన మహిళ. దీంతో ఈ జంట హిందూ, ముస్లిం సంప్రదాయాలతో పాటు మూడవసారి పంజాబీ శైలిలో పెళ్లి చేసుకున్నట్లు వివేక్ చెప్పారు. అయితే ట్విస్ట్ ఏంటంటే ఈ మూడు సంప్రదాయాల్లోనూ ఒకే రోజు పెళ్లి జరిగిందంట. అయితే వీరి ప్రేమకు వారి ఇరువురి కుటుంబాలు ఒప్పుకోలేదట. అయినప్పటికీ షారుక్- గౌరీ వారి కుటుంబ సభ్యులను ఒప్పించి పెళ్లి చేసుకున్నట్లు వివేక్ తెలిపారు.
అయితే వారి పెళ్లి జరిగిన కొత్తలో షారుక్ తన పేరెంట్స్తో ఉండేవారట. ఆ తర్వాత వారు సినీ నిర్మాత అజీజ్ మీర్జాకు చెందిన అపార్ట్‌మెంట్‌లోకి మారినట్లు వివేక్ వాస్వానీ గుర్తుచేసుకున్నారు. ఇక షారుక్ సతీమణి గౌరీఖాన్ గురించి కూడా పలు విషయాలు గుర్తుచేసుకున్నారు. గౌరీ ఖాన్ మంచి మనసున్న వ్యక్తి అని, ఆమె అందరినీ గౌరవిస్తుందన్నారు. ఇక షారుక్ కెరీర్ ప్రారంభంలో తనకు ఎంతో సపోర్ట్ చేసినట్లు వివేక్ చెప్పారు. కానీ, షారూక్ సక్సెస్ క్రెడిట్ మాత్రం తను తీసుకోనని అన్నారు.
ఇక 2023 సంవత్సరం షారుక్ కెరీర్లో ఎప్పటికీ గుర్తిండిపోతుంది. ఈ ఏడాది షారుక్ రెండుసార్లు రూ.1000 కోట్ల మార్క్ అందుకొని రికార్డ్ కొట్టారు. 2023 జనవరిలో పఠాన్, జూలైలో జవాన్ సినిమాలతో షారుక్ బాక్సాఫీస్ వద్ద రికార్డులు సృష్టించారు. ఇక ఏడాది చివర్లో విడుదైన డంకీ మిక్స్డ్ టాక్తో సరిపెట్టుకుంది.
'షారుక్ దగ్గర 17 ఫోన్లు' - షాకింగ్ విషయాలు రివీల్ చేసిన ఫ్రెండ్
