Mokshagna New Slim Look : తెలుగు సినీ ఇండస్ట్రీలో గత నాలుగేళ్లుగా ఎప్పుడు రెగ్యులర్గా జరిగే చర్చ ఏదన్నా ఉందంటే అది నందమూరి మోక్షజ్ఞ టాలీవుడ్ ఎంట్రీ గురించే. అభిమానుల్లో తరచూ ఈ చర్చ జరుగుతూనే ఉంది. ఇదిగో వచ్చేస్తున్నాడు అదిగో వచ్చేస్తున్నాడు అంటూ రూమర్స్ వినిపిస్తూనే ఉంటాయి. కానీ ఆయన ఆరంగేట్రం మాత్రం వాయిదా పడుతూనే ఉంటుంది. కనీసం ఈ ఏడాది అయినా మోక్షజ్ఞ ఫస్ట్ మూవీ ఉంటుందేమోనని నందమూరి అభిమానులంతా బలంగా ఆశిస్తూనే ఉన్నారు.
ఆ మధ్యలో మోక్షజ్ఞ లాంఛ్ కోసం మాస్ డైరెక్టర్ బోయపాటి శ్రీను, ఫన్ డైరెక్టర్ అనిల్ రావిపూడి లాంటి దర్శకుల పేర్లు తెరపైకి వచ్చాయి. కానీ ఇంకా ఎవరితోనూ ఫైనలైజ్ కాలేదు. అయితే మోక్షజ్ఞ మాత్రం గతంలో కన్నా ఈ మధ్య ఎక్కవుగా కెమెరా కంటికి చిక్కుతున్నారు. బాలయ్య సినిమా సెట్స్లోనూ కనిపిస్తున్నారు. ఫ్యామిలీ ఫంక్షన్స్లో సందడి చేస్తున్నారు. ఆ మధ్యన ఎన్టీఆర్, కళ్యాణ్ రామ్ సోదరి కొడుకు పెళ్ళిలోనూ కనిపించారు. ఇన్ని సార్లు ఎక్కువగా కనిపించేసరికి ఆయన సినిమా ఎంట్రీ కోసం రెడీ అవుతున్నారనే గాసిప్స్ మరింత ఎక్కువైపోయాయి. అదే సమయంలో ముఖ్యంగా ఆయన లుక్స్ గురించి పెద్ద చర్చే అవుతోంది.
మొదట్లో మోక్షజ్ఞ బాగా బొద్దుగా కనిపించడంతో నందమూరి ఫ్యాన్స్ అంతా షాక్ అయ్యారు. కానీ ఇప్పుడు గత కొంతకాలంగా రోజు రోజుకి ఆయన స్లిమ్గా మారిపోతూ అభిమానుల్లో ఆనందాన్ని నింపుతున్నారు. హీరో కటౌట్గా మారుస్తున్నారు. అయితే ఇప్పుడు తాజాగా మరోసారి మోక్షజ్ఞ లేటెస్ట్ లుక్ సోషల్ మీడియాలో తెగ వైరల్ అవుతోంది. మరింత స్లిమ్గా మారిపోయారాయన. ఫేస్ కూడా ఎంతో ఫ్రెష్గా స్టైలిష్గా కనిపిస్తోంది. కాస్త గడ్డం పెంచి కూడా ఉన్నారు. ఈ లుక్లో మోక్షజ్ఞను నందమూరి అభిమానులు చూసి పండగ చేసుకుంటున్నారు. ఆయన బాడీ ట్రాన్స్ఫర్మేషన్పై ప్రశంసలు కురిపిస్తున్నారు. యంగ్ లయన్ సిద్ధం అవుతోంది అంటూ కామెంట్స్ చేస్తున్నారు. మరికొందరైతే ఎన్టీఆర్, కళ్యాణ్ రామ్ కన్నా మోక్షజ్ఞనే ఎక్కువ స్టైలిష్గా ఉన్నారంటూ అభిప్రాయం వ్యక్తం చేస్తున్నారు. మొత్తంగా ఫుల్ ఖుషీ అవుతున్నారు. చూడాలి మరి ఈ ఏడాదైనా మోక్షజ్ఞ ఎంట్రీ ఉంటుందో లేదో.
హ్యాపీ బర్త్ డే అనుపమ - టిల్లుగాడి దెబ్బకు మందు కొడుతూ - మసాలా డోస్తో గ్లామర్ షో
షాకింగ్ : చావు నుంచి తప్పించుకున్న రష్మిక - వామ్మో ఏం జరిగిందంటే?
