Anupama Parameshawaran Birthday Vacation : అనుపమ పరమేశ్వరన్ ఈ పేరుకు యూత్లో ఫ్యాన్ బేస్ ఎక్కువే. తొలి సినిమాతోనే తన చిరునవ్వుతో యువతను కట్టిపడేసిన ఈ యంగ్ బ్యూటీ తెలుగువారి మదిని దోచేసింది. ప్రస్తుతం వరుస ఆఫర్లతో కెరీర్లో దూసుకెళ్తోంది. అయితే కెరీర్ మొదట్లో బాగా ట్రెడిషనల్గానే కనిపించినా ఆ తర్వాత రూట్ మార్చి హైడోస్ గ్లామర్ షోతో అభిమానులకు షాక్లు మీద షాకులు ఇస్తోంది.
ఇక తాజాగా సిద్ధు జొన్నల్లగడ్డ డీజే టిల్లు స్క్వేర్లో అయితే ఊహించని రేంజ్లో అందాలను ఆరబోస్తూ హద్దులు లేకుండా లిప్ కిస్లతో రెచ్చిపోయింది. ఇంత వరకు కనిపించనంత రొమాంటిక్ బోల్డ్‌గా కనిపించి కుర్రాళ్లను పరేషాన్ చేసింది. దీంతో మా అను పాపను టిల్లు గాడు ఇలా మార్చేశాడేంట్రా అంటూ కొంతమందైతే హర్ట్ కూడా అయిపోతున్నారు.
అయితే నేడు(ఫిబ్రవరి 18) ఈ కేరళ చిన్నది పుట్టినరోజు జరుపుకుంటోంది. ఈ సందర్భంగా ఆమె తన వెకేషన్ వీడియోను రిలీజ్ చేసింది. ఇందులో అనుపమ ఫుల్ చిల్ అవుతున్నట్టుగా కనిపిస్తోంది. ఈ వీడియోలో అనుపమ తాను ఉన్న హోటల్, రూమ్, అక్కడ వైన్ బాటల్, గ్లాసులతో డ్యాన్స్లు వేస్తూ రచ్చ చేస్తున్నట్లు చూపించింది. ఆ వైన్ తాగుతూ కన్ను కూడా కొట్టింది.
బీచ్లో అందాలను ఆరబోస్తూ చిందులు కూడా వేసింది. అలా అనుపమ తన బర్త్ డే వెకేషన్‌ను బాగానే ప్లాన్ చేసుకుని ఒంటరిగా ఫుల్ ఎంజాయ్ చేస్తోంది. ఈ వెకేషన్ కోసమే టిల్లు స్క్వేర్ ట్రైలర్ ఈవెంట్‌కు కూడా డుమ్మా కొట్టేసింది. మరి అనుపమ ఎప్పుడు తిరిగి వస్తుందో.
ఇక ఈ వీడియో చూసిన ఆమె అభిమానులు టిల్లు గాడు మొత్తం మార్చేశాడురా, నువ్వు ఇలా పూర్తిగా మారిపోవడం బాధేస్తోంది బేబీ,. బ్రేకప్ కన్నా ఇదే ఎక్కువ బాధిస్తుంది అంటూ ఫన్నీ కామెంట్లు పెడుతున్నారు. ప్రస్తుతానికి ఈ వీడియో సోషల్ మీడియాలో పుల్ చక్కర్లు కొడుతోంది. ఏదేమైనప్పటికీ ఈ మలయాళీ బ్యూటీ మాత్రం గ్లామర్ షోతో నెట్టింట మంట పెడుతోంది. ఈ టిల్లు స్క్వేర్ చిత్రం మార్చి 29న విడుదల కానుంది.
