Anushka Shetty Director Krish Movie : హీరోయిన్ అనుష్క శెట్టి గురించి ప్రత్యేకంగా పరిచయం అక్కర్లేదు. అందం అభినయం ఉన్న అతి కొద్దిమంది నటీమణులలో ఈమె ఒకరు. లేడీ ఓరియెంటెడ్ చిత్రాలకు భారీ మార్కెట్ క్రియేట్ చేసిన నటి. అయితే గత కొన్నేళ్లుగా సినిమాలు చేయడం తగ్గించేసిన అనుష్క ఇప్పుడు తన కెరీర్లో మైలురాయి 50వ చిత్రానికి చేరువైంది. రీసెంట్గా మిస్‌ శెట్టి మిస్టర్‌ పొలిశెట్టి చిత్రంతో మంచి హిట్ అందుకున్న ఈమె ప్రస్తుతం తన కొత్త సినిమా కోసం రెడీ అయింది.
దర్శకుడు క్రిష్‌ జాగర్లమూడితో కలిసి ఓ చిత్రం చేస్తోంది. యూవీ క్రియేషన్స్, ఫస్ట్‌ ఫ్రేమ్‌ ఎంటర్‌టైన్‌మెంట్‌ సంస్థలు సంయుక్తంగా నిర్మిస్తున్నాయి. వంశీకృష్ణా రెడ్డి, రాజీవ్‌ రెడ్డి నిర్మాతలుగా వ్యవహరిస్తున్నారు. తాజాగా ఈ మూవీకి సంబంధించిన క్రేజీ అప్డేట్ వచ్చేసింది. లేడీ ఓరియెంటెండ్గా తెరకెక్కుతున్న ఈ చిత్రానికి ఘాటి అనే టైటిల్ను ఖరారు చేశారు. అమెజాన్‌ ప్రైమ్‌ వీడియో ముంబయిలో నిర్వహించిన ఓ ఈవెంట్లో ఈ సినిమా పేరును, ప్రీ లుక్‌ను రిలీజ్ చేసి సర్ప్రైజ్ ఇచ్చారు మేకర్స్. వ్యాపార రంగంలో అంచలంచలుగా ఎదుగుతున్న ఓ మహిళను కొందరు స్వార్థంతో కావాలని ఎలా నష్టపరిచారు? ఆమె నేరస్థురాలిగా ఎందుకు మారింది? ఆ తర్వాత ఆమె వారిపై ఏ విధంగా ప్రతీకారం తీర్చుకుంది? అనేదే ఈ సినిమా కథాంశం అని తెలుస్తోంది. ప్రతీకారం ప్రధానంగా సాగే ఈ కథ కచ్చితంగా విజయం సాధిస్తుందని మేకర్స్ అంటున్నారు. మిస్‌ శెట్టి మిస్టర్‌ పొలిశెట్టి తర్వాత అనుష్క నటిస్తున్న చిత్రమిది. ఈ చిత్రానికి చింతకింది శ్రీనివాస్‌రావు, క్రిష్‌, బుర్రా సాయిమాధవ్‌ రచన చేశారు.
Anushka Shetty Malayalam Movie : ఇకపోతే అనుష్క శెట్టి మాలీవుడ్ ఇండస్ట్రీలోన అడుగు పెట్టేందుకు రెడీ అయింది. ప్రస్తుతం అక్కడ కథనార్ - ది వైల్డ్ సోర్సెరర్ అనే పీరియాడిక్ యాక్షన్ థ్రిల్లర్ చేస్తోంది. ఇది ఆమె కెరీర్లో 49వ చిత్రం. రోజిన్ థామస్ దర్శకత్వం వహిస్తున్నారు.
