విడుదలైన 19 ఏళ్లకు ఓటీటీలో - అమితాబ్​ 'బ్లాక్' మూవీ ఎక్కడ స్ట్రీమ్ అవుతోందంటే ?

Amitabh Bachchan Black Movie : అమితాబ్ బచ్చన్, రాణి ముఖర్జీ లీడ్​ రోల్స్​లో తెరకెక్కిన 'బ్లాక్​' మూవీ 19 ఏళ్ల తర్వాత ఓటీటీలో స్ట్రీమ్​ అవుతోంది. ఆ విశేషాలు మీ కోసం

Amitabh Bachchan Black Movie : బాలీవుడ్​లో ఓ సినిమా రిలీజైన 19 ఏళ్లకు ఓటీటీలో సందడి చేసేందుకు సిద్ధమైంది. స్టార్ డైరెక్టర్ సంజయ్ లీలా భన్సాలీ రూపొందించిన 'బ్లాక్' మూవీ ఇప్పుడు ప్రముఖ ఓటీటీ సంస్థ నెట్​ఫ్లిక్స్ వేదిక స్ట్రీమ్​ అవుతోంది. ఈ మేరకు నెట్​ఫ్లిక్స్ ఓ స్పెషల్ వీడియోను షేర్ చేసి ఈ విషయాన్నిఅనౌన్స్​ చేసింది.

"బ్లాక్ సినిమా విడుదలై 19 సంవత్సరాలు అయ్యింది. ఈ రోజు నెట్ ఫ్లిక్స్ లోకి ఈ చిత్రాన్ని తీసుకొస్తున్నాం. దేబ్రాజ్, మిచెల్ ప్రయాణం మా అందరికీ స్ఫూర్తిదాయకంగా నిలిచింది. మీకు కూడా స్ఫూర్తిని కలిగిస్తుందని మేము భావిస్తున్నాం" అంటూ ఆ వీడియోను పోస్ట్ చేశారు.

Black Movie Cast : దేబ్రాజ్ అనే టీచర్​ రోల్​లో బిగ్​బీ అమితాబ్ బచ్చన్ కనిపించారు. సీనియర్ నటి రాణి ముఖర్జీ ఇందులో చెవిటి, చూపు కోల్పోయిన అమ్మాయిగా కనిపించింది. అయేషా కపూర్, షెర్నాజ్ పటేల్, ధృతిమాన్ ఛటర్జీ ఈ సినిమాల్లో కీలక పాత్రలు పోషించారు. 2005లో వచ్చిన ఈ చిత్రం అప్పట్లో సంచనల విజయాన్ని సాధించింది. అంతే కాకుండా ప్రశంసలతో పాటు పలు అవార్డులను సైతం అందుకుంది.

• It's been 19 years since Sanjay Leela Bhansali’s Black released, and today we're celebrating it's first ever digital release on Netflix!
  Debraj and Michelle's journey has been an inspiration to all of us, and we hope it instills you with strength and compassion ❤️… pic.twitter.com/PfJnqHQ5V4

  — Netflix India (@NetflixIndia) February 4, 2024

Black Movie Awards : ఇక 'బ్లాక్' సినిమాలో అమితాబ్ బచ్చన్ నటనకు ప్రేక్షకులు ఫిదా అయ్యారు. ఇక ఇందులో ఆయన నటనకు గానూ అమితాబ్ బెస్ట్​ యాక్టర్​గా నేషనల్ అవార్డును అందుకున్నారు. ఇక 2006లో జరిగిన ఫిల్మ్‌ ఫేర్ అవార్డ్స్​లో, ఉత్తమ చిత్రం, ఉత్తమ చిత్రం (క్రిటిక్స్), బెస్ట్ యాక్టర్ (అమితాబ్ బచ్చన్​), బెస్ట్​ యాక్ట్రెస్​(రాణి ముఖర్జీ), బెస్ట్​ డైరెక్టర్ (సంజయ్​ లీలా భన్సాలీ), సహా మొత్తం 11 విభాగాల్లో అవార్డులను దక్కించుకుంది.

స్టోరీ ఏంటంటే ?
హీరోయిన్‌(రాణీ ముఖర్జీ)కి కళ్లు కనబడవు. చెవులు కుడా వినబడవు. ఆమెకు టీచర్‌ అమితాబ్‌ బచ్చన్‌. వీరి మధ్య మంచి అనుబంధం ఏర్పడుతుంది. అయితే అమితాబ్​కు క్రమంగా అల్జీమర్స్‌ (మతిమరుపు) వస్తుంది. దీంతో ఆయన రాణి ముఖర్జీని మరిచిపోతారు. ఆ తర్వాత ఏం జరిగిందనేదే అసలు స్టోరీ. ఈ ఎమోషనల్​ సినిమాకు చాలా మంది కనెక్టయ్యారు.

నేషనల్ అవార్డులు - అత్యధిక సార్లు ఈ పురస్కారాన్ని అందుకున్న నటుడెవరంటే ?